türkiye yurtigha qaytqan afghanlargha xizmet imkaniyiti yaritip bérishni bashlidi

türkiye awazi radiyosi xewiri: türk qizil ay jemiyitining qollap – quwwetlishi bilen türkiye jumhuriyiti ichki ishlar ministirliqi köch idarisi bash mudiriyiti, türkiyening kabuldiki elchixanisi we afghanistan köchmenler ishliri ministirliqi birlikte tüzüp chiqqan pilangha asasen, öz ixtiyarliqi bilen türkiyedin dölitige qaytqan afghanlargha xizmet imkaniyiti yaritip bérilidu.

bu pilan dairiside, dölitige qaytqan ikki afghanistanliqqa dukan we yaghachchiliq karxanisi teyyarlap bérildi. bu munasiwet bilen paytext kabulda ötküzülgen murasimgha türkiyening kabulda turushluq bash elchisi oghuzxan ertughrul, ichki ishlar ministirliqi köch idarisi bash mudiri wekili abdullah ayaz, türk qizil ay jemiyiti bash mudiri ibrahim altan, muawin mudiri alper küchük, türkiyening kabulda turushluq elchixanisining ichki ishlar ministirliqi meslihetchisi ilker türkbayraq we türk qizil ay jemiyitining afghanistan heyiti bashliqi mujahit salih duran qatarliqlar ishtirak qildi.

türkiyening kabulda turushluq bash elchisi ertughrul murasimda söz qilip, afghanistandiki turmush sharaitini yaxshi bilidighanliqlirini, bu yerdiki saqliniwatqan eng éghir mesilining xewpsizlik ikenlikini eskertti we bu xil selbiyliklerni körüp héchkimning ümidini yoqitip qoymasliqini, türkiyening afghanistanning yénida turushni dawamlashturidighanliqini qeyt qildi.

bash elchi ertughrul, türk qizil ay jemiyiti yaritip bergen bu xil imkaniyetlerdin yaxshi paydilanghan afghanlarning, ailisining turmushigha hesse qoshidighanliqini eskertti.

ichki ishlar ministirliqi köch idarisi bash mudiri wekili abdullah ayaz, türkiyege qanunsiz yollar bilen kirgendin kéyin dölitige qaytqan afghanistanliqlargha türk qizil ay jemiyiti, türkiye hemkarliq we kordinatsiye agéntliqi we türkiyening munasiwetlik idare – organlirining hemdem bolushni dawamlashturidighanliqini tekitlep ötti.