İHH ghezzediki 2000 oqughuchigha kéyim yardem qildi

türkiye awazi radiyosi xewiri:insan heq we hörriyetliri, insanperwerelik yardem fondi jemiyiti (İHH) teripidin élan qilinghan yazma bayanatta, pelestinde 2006 – yili ötküzülgen we hamas ghelibe qilghan saylamlardin kéyin, ishghaliyetchi israiliyening zulumlirini téximu kücheytishni dawamlashturiwatqanliqi, ghezzeni qurughluq, déngiz we hawadin qorshawgha élishni bashlighanliqi eskertildi.

xelqara jamaetchilikning shunche naraziliqlrigha pisent qilmastin, israiliyening ghezzeni qurshaw qilishni to×tawsiz dawamlashturuwatqanliqi tekitlengen bayanatta yene, «jemiyitimiz mawi marmara yadem paraxoti bilen pelestinni pütün dunyaning küntertipidin orun alghuzushta zor utuqqa érishti. hazirmu yaridem xizmetlirini üzlüksiz dawamlashturmaqta. bu dairide insan heq we hörriyetliri, insanperwerelik yardem fondi jemiyiti (İHH), saxawetchilerning qollap – quwwetlishi arqiliq ghezzelik 2000 oqughuchigha kéyim tarqitip berdi» déyildi.

bayanatta yene insan heq we hörriyetliri, insanperwerelik yaridem fondi jemiyiti (İHH) ning konya shubisi bilen inegöl shubisining yardimi arqiliq élip bérilghan bu layihedin 1000 oghul oqughuchi we 1000 qiz oqughuchining paydilanghanliqi hemde oqughuchilargha mektep formisidin bashqa yene, ayaghlarningmu tarqitip bérilgenliki qeyt qilindi.