jumhur reis yardemchisi fuat oqtay türk tarix qurultiyigha qatniship muhim söz qildi

türkiye awazi radiyosi xewiri: jumhur reis yardemchisi fuat oqtay, beshtepe millet qurultay we medeniyet merkizide ötküzülgen 18 – nöwetlik türk tarix qurultiyigha qatniship söz qildi. u sözi jeryanida ermen dewaliri toghrisida toxtilip, «1915 – yil weqeliri arqiliq tariximizgha qara chaplimaqchi bolghanlar, shunche tirishchanliqlirigha qarimay, dölitimizge xusumiti bar döletlerdin bashqa jaylarda nishanlirigha yételmidi. bolupmu 2015 – yilidin ilgiri kücheygen töhmet dolqunliri, dölitimizning pozitsiyesi, türk tarix orginigha oxshash resmiy organlirimizning tirishchanliqliri, diplomatlirimizning gheyretliri sayisida yoqqa chiqti» dédi.

u, türk tarixining bir pütün ikenlikige isharet qilip, «bizning <mirasni ret qilish> qa we qedim tariximizgha <yéngiliqchi> nuqtiinezeri bilen qarashqa éhtiyajimiz yoq. 2200 yilliq ötmüshi bilen, ghelibe we meghlubiyetliri bilen türk tarixi bir pütündur. köktürklermu bizningdur, qaraxaniylarmu bizningdur, seljuqiylarmu, osmanlilarmu, jumhuriyetmu bizningdur» dédi we sözini dawamlashturup, «ermen diyasporasigha boyun égip türkiyening qarashlirini meni qilghan parlaméntlarning qararlirigha hörmet qilmaymiz» dégenlerni qeyt qildi.