dölet xewpsizlik kéngishi: kélishim nahayiti zor ehmiyetke ige
dölet xewpsizlik kéngishi bayannamiside, süriyening idlib shehiride toqunushmasliq rayonigha qarita hujumlarni toxtitish mesiliside rusiye bilen türkiye otturisida hasil qilinghan kélishimning nahayiti zor ehmiyetke ige ikenliki tekitlendi.
türkiye awazi radiyosi xewiri: tünügün jumhur reislik sariyida chaqirilghan dölet xewpsizlik kéngishi yighinidin kéyin élan qilinghan bayannamide, mundaq déyildi: «idlibte toqunushmasliq rayonigha qarita hujumlarni toxtitsh mesiliside rusiye bilen dölitimiz otturisida tüzülgen kélishim nahayiti zor ehmiyetke ige. derweqe, nöwette süriyeni térrorizmdin xaliy qilish nahayiti muhim bir mesile bolup qaldi. yighinda, süriyening bashqa rayonlirinimu térrorchilardin tazilash paaliyetlirini qoyuqlashturush we térrorizmgha qarshi küreshni qetiy dawamlashturushning zörürlüki tekitlendi. dölet xewpsizlik kéngishide, süriye kirizisini hel qilish üchün xelqara jemiyettin siyasiy we insaniy mesuliyetlirini téximu téz we téximu ünümlük halda ada qilishi telep qilindi. dölitimiz, munbichning térrorluq teshkilatidin tazilinishi üchün amérika qoshma ishtatliri bilen hasil qilinghan kélishim dairisidiki yol xeritisige qetiy emel qilinishini kütmekte. türkiye sirtida tutulghan térrorchilarning türkiyening adalitige tapshurup bérilishi türkiyening bu heqtiki qetiy iradisining namayendisi bolup, dölet ichi-sirtidiki térrorchilargha zerbe bérish heriketliri izchil dawamlashturulidu.»
