tashqi ishlar ministirliqi türkiye puqralirini agahlandurdi

türkiye awazi radiyosi xewiri: tashqi ishlar ministirliqi teripidin bu heqte élan qilinghan yazma bayanatta, mundaq déyildi: «besrede turmush qiyinchiliqi sewebidin bashlanghan we kéyinche zorawanliq weqeliri teriqiside barghanséri zoriyiwatqan namayishlarni qattiq endishe ichide közitiwatimiz. iraq hökümitining we dost hem qérindash dölet iraq xelqining bu qiyin ötkeldin muweppeqiyetlik halda ötelishi üchün qolidin kélidighan yardemni héchqachan ayimighan türkiye, besre wilayitining weziyitining eng qisqa waqit ichide tinjishi, xelqning xatirjemlikke érishishi üchün her jehettin hesse qoshushqa teyydardur. besre wilayitide sayahette boluwatqan yaki bu wilayetke sayahet qilidighan türkiye puqraliri öz  amanliqlirini qoghdash üchün namayish ötküzülüwatqan rayonlardin yiraq turushliri kérek, özgirishler heqqide ministirliqimiz we baghdad bash elchixanimiz teripidin bérilidighan agahlandurush we chiqirilidighan uqturushlarni öz waqtida közitip turushliri lazim. shuning bilen bir waqitta, puqralirimiz birer qiyinchiliqqa yaki birer kélishmeslikke yoluqqa chaghda, türkiyening baghdad bash elchixanisi we tashqi ishlar ministirliqimizning konsulxana  ishlirichaqiriq merkizidin yardem sorashlirini murajiet qilimiz.»