«İHH» bu yil 57,961 qurbanliqni 2 milyon 300 mingdin artuq kishige tarqitip berdi

türkiye awazi radiyosi xewiri: insan heq we hörriyetliri, insanperwerlik yardem fondi jemiyiti «İHH» ning «ortaqlashqining séningdur, ortaqlash we söyündür» dégen shoar bilen bashlighan seperwerliki netijiside türkiyedin bashqa yene 103 dölette qurbanliq qilindi.

qurbanliq wekalitini insan heq we hörriyetliri, insanperwerlik yardem fondi jemiyiti «İHH»gha bergen saxawetchilerning qurbanliqliri iane qilghuchining xalighan döletliri we rayonlirida qurbanliq qilinip, éhtiyajliq kishilerge tarqitip bérildi. buningdin bashqa yene turmush sharaitini yaxshilap bérishke alaqidar her xil layiheler arqiliq barghanla dölet xelqlirige yardemlirini dawamlashturdi. jame, mesjid sélip bérishtin sirt, su quduqliri, oqu – oqutush merkezliri, kesp ögitish kursliri, yétimxana binaliri qatarliq herxil qurulush layiheliri üchünmu qurbanliq yadem üchün barghan jaylarda hul saldi.

insan heq we hörriyetliri, insanperwerlik yardem fondi jemiyiti «İHH» ning qurbanliq yardem paaliyetliride, panahlanghuchilar lagérlirigha aldinqi qatarda orun bérildi. urush, tebiiy apet, acharchiliq we namratliq qaplighan jaylardin bashqa yene, yashanghanlar, ige – chaqisizlar, tul ayallar, yétimxanilar we doxturxanilarghimu yadem qilindi. 

bu dairide süriye, iraq, pelestin, yemen, somali, bangladésh, arakan we sherqiy türkistan qatarliq jaylargha aldinqi qatarda orun bérildi.

insan heq we hörriyetliri, insanperwerlik yardem fondi jemiyiti «İHH» yene, türkiyeni qoshqanda jemiy 16 dölette 17,099 yétimge héytliq kéyim – kéchek yardem qildi. saxawetchilerning héytliq ianiliridin bosniye kirétsigowéna, chad, hindistan, qirghizistan, sirilanka, arakan, kéniye, albaniye, iran, yemen, misir, sudan, tunis, sérra lon, süriye we türkiyediki yétimlarmu paydilanduruldi.

insan heq we hörriyetliri, insanperwerlik yardem fondi jemiyiti «İHH» süriyening afrin, idlib, heleb, hama we humus etrapidiki yéza – nahiyeliride hemde firat qalqini herikiti arqiliq térrorchilardin tazilanghan bab, jirablus nahiyeliri we ezezdiki éhtiyajliq aililergimu qurbanliqning göshliri yetküzüp bérildi. qurban héyt boyiche gösh tarqitish dawamlashqan bolup, texminen 215 ming kishi göshtin nisiwisini aldi. «İHH» yene, 16 ming süriyelik yétim balilargha bayramliq ayaq we kéyim - kéchek élip berdi.

«İHH» yene, bangladéshta arkanliq musulmanlar turushluq rayonlarda hemde 2 milyondin artuq musulman yashaydighan népaldimu qorbanliqlarni qildi. arakanda 3535 qurbanliqning, népalda 400 qurbanliqning göshlirini éhtiyajliq kishilerge tarqitip berdi. yangladéshta bolsa, 3500 qurbanliqning göshliri éhtiyajliq kishilerge tarqitip bérildi.