erdoghan küresh signalini berdi
dölitimiz jumhur reisi rejep tayyip erdoghan amérikaning setchilikke tolghan émbargo qararidiki oyunini körgenliklirini eskertti we küresh qilish signalini berdi.
türkiye awazi radiyosi xewiri: jumhur reis rejep tayyip erdoghan trabzondin fethullahchi térrorluq teshkilati we bölgünchi térrorluq teshkilati p k k gha chétishliq bolghan amérikaliq pop heqqidiki qanuniy jeryanni ichige singdürelmigen amérikagha signal berdi.
u: «térrorluq teshkilatliri bilen chétishliqi bolghan bir pop üchün 81 milyon nopusluq türkiyeni qurbanliq qilishqa urunuwatisen, néme qilishqa tégishlik bolsa, qanun döliti bolush süpitimiz bilen shuni qilimiz. buyruq chüshürüsh bilen türkiyeni boysunduralmaysiler, 81 milyon nopusluq bir dölet bilen bolghan istratégiyelik shérikchilikni térrorluq teshkilatliri bilen bolghan shérikchilik üchün qurbanliq qilghanlargha xeyri-xosh deymiz» dédi.
jumhur reis rejep tayyip erdoghan ijtimaiy teshkilatlar we soda-saetchiler dunyasining wekilliri bilen körüshti we dollar arqiliq qiliniwatqan hujumgha qarshi milliy iradini namayan qilishqa chaqirdi.
u térrorluqqa qarshi küresh toghrisidimu toxtilip: «türkiyedimu, süriyedimu térrorluqqa ruxset qilmaymiz» dédi.
u tashqi küchlerning türkiyening jenubiy chégralirida térrorluq karidori peyda qilalmaydighanliqini tekitlidi
