chégradin qanunsiz kirmekchi bolghan we chet elge qanunsiz chiqmaqchi bolghan köchmenler tutuldi

türkiye awazi radiyosi xewiri: süriye chégrasida charlawatqan chégrasi saqlash qisimliri kizilchat, topraktutan, chaliboghuzi we pulluyazi chégra saqchi ponkitida qanunsiz chégradin ötmekchi bolghan kishilerni bayqidi.

tutulghan we süriyelik ikenliki éniqlanghan 77 kishi bixeterlik tekshürüshi üchün qoralliq saqchi qisimgha tapshurup bérildi.

yayla téghi nahiyelik qoralliq saqchi qisim qomandanliq merkizining xadimliri shenköy mehellisi etrapida, süriyedin türkiye chéerasidin qanunsiz yollar bilen ötmekchi bolghan 20 kishini tutti.

qolgha chüshürülgen jemiy 97 köchmen tekshürüshlerdin kéyin, chégradin chiqiriwétildi.

edirnede bolsa, qanunsiz yollar bilen chet elge chiqip ketmekchi bolghan 61 kishi tutuldi. edirne qoralliq saqchi qisik xadimliri merich nahiyesige qarashliq kawakli yézisi etrapida gumanliq bir minbusni toxtatti. minbusni tekshürüsh netijiside qanunsiz yollar bilen chet elge chiqip ketmekchi bolghan iraq we süriyedin kelgen 26 köchmen tutuldi. shu yézining bashqa jayida toxtitilghan yene bir gumanliq minbusni tekshürüsh netijiside bolsa, iraq we pakistandin kelgen 35 kishi tutuldi, bir yel qolwaq qolgha chüshürüldi.

köchmenler tekshürüshtin kéyin edirne köch idarisigha tapshurup bérildi.

chanaqqelening aywajik nahiyesidimu qanunsiz yollar bilen girétsiyening midilli ariligha ötüp ketmekchi bolghan afghanistanliq 64 kishi tutuldi.

igilinishiche, kichikkuyu baziridiki qoralliq saqchi qisim xadimliri charlash jeryanida nusratlida chet ellik bir top kishini bayqighan. netijide heriketke ötken xadimlar midilli ariligha ötüsh üchün teyyarliq qiliwatqanliqi bayqalghan 64 afghanistanliq köchmenni tutqan. arisida ayallar we kichik balilarmu bolghan 64 afghanistanliq köchmen kichikkuyu qoralliq saqchi qisim merkizide tekshürülgendin kéyin, aywajiktiki chet elliklerni qayturush merkizige tapshurup bérilgen.