türkiye mongghuliyege naraziliq bildürdi
türkiye mongghuliye dairlirining mongghuliyede yüz bergen fethullahchi térrorluq teshkilatigha munasiwetlik bir hadisini küntertipke élip kélish usuligha qattiq naraziliq bildürdi.
türkiye awazi radiyosi xewiri: türkiye mongghuliye taratqulirining fethullahchi térrorluq teshkilati toghruluq taratqan xewerlirige naraziliq bildürdi.
mongghuliyede fethullahchi térrorluq teshkilati toghruluq chiqqan xewerler toghruluq soralghan bir soalgha jawab bergen tashqi ishlar ministirliqi bayanatchisi hami aksoy, bu teshkilatining mongghuliyediki tesirining küchlük ikenlikini bildürüp, mongghuliyening dölet xewpsizlikige tehdit shekillendüridighanliqini éytti.
fethullahchi térrorluq teshkilati toghruluq nurghun uchur-melumatni mongghuliye dairilirige yetküzgenliklirini eskertken aksoy, fethullahchi térrorluq teshkilati ezalirining qanuniy jawabkarliqqa choqum tartilishini lazimliqini, lékin mongghuliyediki fethullahchi térroluq teshkilati ezalirini bir terep qilish hoquqining mongghuliye dairilirining ilkidiki ish ikenlikini tekitlep ötti.
türkiyening özge döletlerning ichki bixeterlik tedbirlirige arilishidighan dölet emeslikini eskertken aksoy munularni bayan qildi: « mongghuliyede ötken jüme küni meydangha kelgen hadisini tutqun qilish qilmishidek körsitish toghra emes, biz buningdin biaram bolduq. bu xewerler pütünley yalghan bolup, biz buni qetiy ret qilimiz,
enqerediki mongghuliye elchisimu ministirliqqa chaqirtilip, uninggha bu ehwal toghruluq chüshenche bérildi we mongghuliyede yüz bergen hadisini mongghuliye dairilirining chüshendürüsh sheklige küchlük shekilde naraziliq bildürüldi. fethullahchi térrorluq teshkilati mongghuliyede tetür teshwiqat paaliyiti élip barmaqta, asassiz xewerlerni tarqitip jamaet pikiri shekillendürüshke urunmaqta, mongghuliye dairilirige bu teshkilatqa diqqet qilishini semmiylik bilen tewsiye qilimiz, biz yene mongghuliye dairilirini bu térroluq teshkilatigha qarita tégishlik charilerni körüshinimu kütimiz.»
mongghuliye taratquliri paytext ulanbaturdiki bir türk mekitipining fethullahchi térrorluq teshkilati ezasi bolghan mudirining türkiye istixbarat idarisi xadimliri teripidin tutup kétilmekchi bolghanliqi toghrisida xewer tartqanda, tashqi ishlar ministiri mewlüt chawushoghlu buni qetiy halda ret qilghanidi.
