türkiye israiliyeni eyiblidi

türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan bayanatta, mundaq déyildi: «israiliyening ishghaliyiti astidiki pelestin térrotériyeside ebu nuwwar bedwi qebililirige ait öylerni chéqishini we xan elehmer bedewiler rayonidiki öy – makanlarni chéqishqa bashlishini qattiq eyibleymiz. israiliye dairiliri teripidin perwasizlarche dawamlashturuluwatqan bu heriketler birleshken we musteqil pelestin döliti pilanini xewpke duchar qilmaqta, israiliye rayonning weziyitini jiddiyleshtürüwétidighan we ikki döletlik tüzüm istiratégiyesini weyran qilidighan qanunsiz paaliyetlirini derhal toxtitishi kérek.»

sherqiy quddustiki ayrimchiliq témining iyordan deryasining gherbiy qirghiqi teripide qalghan qismigha jaylashqan xan elehmer we ebu nuwwar bedewi qebililirige baridighan yollarni taqiwalghan israiliye eskerliri ebu nuwwar rayonidiki 40 öy we qotanlarni weyran qilghanidi.

buninggha qarshi chiqqan pelesitnliklerge mudaxile qilghan israiliye eskerliri ularning köpinchisini urghan, bezilirini qolgha alghanidi.