erdoghan: amérika tinchliq telep qilghan pelestinni jazalidi
dölitimiz jumhur reisi rejep tayyip erdoghan amérikaning isirailiyediki elchixanisini quddusqa yötkep, pelestinni jazalighanliqini bildürdi.
türkiye awazi radiyosi xewiri: jumhur reis rejep tayyip erdoghan islam hemkarliq teshkilatining nöwetchi reisi bolush süpitide yazma bayanat élan qildi. u bayanatida, amérikaning elchixanisini tél awiwdin quddusqa yötkep, xelqaraliq qanunning eng asasiy pirinsiplirini, xelqaraliq jemiyetning iradisini, tarixini we ijtimaiy heqiqetlirini közge ilmighan pozitsiyesini dawamlashturush yolini tallighanliqini körsitip béridighanliqini bildürdi. rejep tayyip erdoghan bayanatida mundaq dédi:
"amérikaning insaniyetning heq-hoquq, adalet we heqqaniyet éngigha mas kelmeydighan bu qedimi bilen, b d t ning munasiwetlik barliq qararlirigha, hetta özining qanunlirighimu xilapliq qilip, xelqaraliq jemiyetning neziridiki ishenchilikige ziyan saldi. ixtilaplarning hel qilinishida wastichiliq qilish rolinimu yüttürüp qoydi. amérika elchixanisini qoddusqa yötkep, heqiqeten tinchliq telep qilidighanliqini bir qanche qétim ispatlighan pelestinni jazalidi. pelestin xelqining yüzlerche yilliq weten zéminini ishghal qilghan, qorshawgha élip, qanunsiz turalghuliri bilen ikki döletlik hel qilish kélishimlirini ayaq-asti qilghan, tinchliqni emelge ashurghili bolmaydighan halgha ekilishke urunghan we b d t qararlirigha pilanliq halda xilapliq qiliwatqan isirailiye hökümitini bolsa, mukapatlidi. pelestin mesilisini adil we teltöküs hel qilish, peqet igilik hoquqluq we musteqil pelestin dölitining 1967-yildiki chégralarni asas qilghan, paytexti sherqiy quddus bolghan halda qurulushi bilen mumkin bolidu."
jumhur reis rejep tayyip erdoghan türkiyening pelestin döliti bilen dost we qérindash pelestin xelqini her daim qollaydighanliqini, yolluq dewasida pelestinlik qérindashlirini hergizmu yalghuz tashlap qoymaydighanliqlirini tekitlidi.
u pelestin zéminlirida bügünki künde yüz bérishi éhtimali bolghan weqeler toghrisida isirailiye hökümitini mesuliyetchanliq bilen salmaq muamile qilishqa chaqirdi. u weziyet jiddiy boluwatqan künlerde ölüm-yétim hadisilirining aldini élish üchün sezgürlükning eng yuqiri chekte körsitilishi kéreklikini alahide tekitlidi.
