chawushoghlu awistiriyede

türkiye awazi radiyosi xewiri: gérmaniyediki ziyaritini axirlashturghandin kéyin awistiriyening paytexti wiyanagha yétip barghan chawushoghlu, bu yerde, wiyana yunus emre inistitutining iéchilish murasimigha ishtirak qildi hemde murasimda qilghan sözide, wiyanada 2015 – yildin étibaren paaliyet élip bériwatqan yunus emre inistitutining xizmetlirini maxtap mundaq dédi: «yunus emre inistituti türk medeniyet merkizining resmiy échilishini sizler bilen birlikte ishqa ashurush pursitige iérshkenlikim üchün intayin xushalmen. nöwette dunyaning herqaysi jayliridiki yunus emre inistitutliri yaki türk medeniyet merkezlirining sanini téximu köpeytish üchün nahayiti zor tirishchanliq körsitiwatimiz. chünki, biz yunus emre inistitutlirini shu inistitutlar paaliyet élip bériwatqan döletler bilen  türkiye otturisidiki uchur - alaqe we dostluq köwrüki dep qaraymiz.»

chawushoghlu yunus emre inistituti merkezlirini ataqliq shair yunus emrening nezeriyesi dairiside dunyawi we yerlik qimmetler otturisida munasiwet ornitishning muhim wasitisi dep qaraydighanliqlirini tekitlidi.

wiyana yunus emre inistituti teripidin awistiriyede hazirghiche 248 oqughuchining türk tilida terbiyelengenlikidin intayin xursen ikenlikini éytqan chawushoghlu, inistitutning türk tilidiki derslerdin sirt yene, bashqa her xil paaliyetliri arqiliq nahayiti zor muweppeqiyetlerni qolgha keltürüwatqanliqini eskertti hemde inistitut xadimlirini tebriklidi.

u yene, wiyanagha oxshighan medeniyet – senetke bay bir sheherde élip bériliwatqan paaliyetlerni mahiyet we alahidilik jehettin yenimu yüksek sewiyege yetküzüshning zörürlükini, wiyana yunus emre inistitutining choqum bu nishangha yétidighanliqigha ishinidighanliqinimu sözlirige ilawe qildi.