türkiye somalida meydangha kelgen térrorluq hujumini sadir qilghuchilarni eyiblidi

türkiye awazi radiyosi xewiri: türkiye tashqi ishlar ministirliqi somalining paytexti muqdishoda bomba qachilanghan aptomobil bilen élip bérilip nurghun adem ölümi we yarilinishini keltürüp chiqarghan hujum toghruluq bayanat élan qildi.

tashqi ishlar ministirliqi teripidin bu heqte élan  qilinghan bayanatta hujumda hayatidin ayrilghanlargha allahtin rehmet, yéqin-yoruqlirigha sewir we yaridarlargha shipa tilendi.

bayanatta yene bu qétimqi hujumning somalida muqimliq we tinchliq berpa qilish yolida zor xizmetler élip bériliwatqan mezgilde sadir bolghanliqi eskertilip, somali xelqi bilen somali hökümiti mushundaq éghir künlerde hemkarliq ornitishqa chaqirildi.