türkiye birma xewpsizlik küchlirining muwazinetsiz küch ishlitishini eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, türkiyening, birma xewpsizlik küchlirining raxayn ölkiside 25 – awghust kéchisi meydangha kelgen hujumlardin kéyinki heriketlirining éghir insaniy kirizis peyda qilghanliqidin chongqur qayghurghanliqini eskertti we muwazinetsiz küch ishlitish qilmishini eyibleydighanliqini bildürdi. bayanatta, «bu jehettiki endishilirimiz birma dairilirige yetküzüldi. zerbe bérish heriketliride puqralarning ziyangha uchrimasliqining؛ öy – makanliridin mehrum qilinghan yéngi kishilerning peyda qilinmasliqining we rayongha yardemlerning üzlüksiz yetküzülüshning ehmiyiti tekitlep ötüldi.» déyildi.

birmadin bangladishqa ötüshke urunuwatqan rohingyalargha tégishlik qolayliqning yaritip bérilishining ümid qilinidighanliqi we bu jehettiki yardem teklipining bangladish dairilirige yetküzülgenliki qeyt qilinghan bayanatta, «islam hemkarliq teshkilati bash katipi bilen körüshüp, teshkilatning waqtida heriketke ötüshi toghrisidiki ümidimiz otturigha qoyuldi. islam hemkarliq teshkilati ijraiye komitéti, eza döletler bilen körüshüshni dawamlashturmaqta» dégen ibarilerge orun bérildi.