türkiye kabuldiki bir jamede meydangha kelgen qanliq térrorluq hujumini eyiblidi
türkiye jumhuriyiti tashqi ishlar ministirliqi, afghanistanning paytexti kabuldiki bir jamede meydangha kelgen qanliq térrorluq hujumini qattiq eyiblidi.
türkiye awazi radiyosi xewiri: türkiye, afghanistanning paytexti kabuldiki bir jamede meydangha kélip, 20 ademning ölümi, 40 ademning yarilinishini keltürüp chiqarghan térrorluq hujumini eyiblidi.
türkiye jumhuriyiti tashqi ishlar ministirliqi yazma bayanat élan qilip, türkiyening kabuldiki bir jamege qilinghan térrorluq hujumida adem ölüsh we yarilinish ehwalining körülgenlikidin chongqur qayghurush ichide xewer tapqanliqini eskertti.
bayanatta, «ibadetlirini qiliwatqan bigunah puqralarni hujum obyékti qilghan mezkur xainlarche térrorluq hujumini küchlük shekilde eyibleymiz, hayatidin ayrilghanlargha allahtin rehmet, yarilanghanlargha téz shipaliq tileymiz؛ ölgenlerning yéqin – yoruqliri, afghanistan hökümiti we qérindash afghan xelqige teziye bildürimiz. bu peskesh térrorluq hujumi, afghanistanning küresh iradisini ajizlitalmaydu. türkiye térrorizmgha qarshi dost we qérindash afghan xelqi bilen hemkarlishishni we afghanistan hökümitini toluq qollashni dawamlashturidu» dégen ibarilerge orun bérildi.
