chelik: gérmaniye ishletken ibarining diplomatik menisini yaxshi bilimiz
yawropa ittipaqi ishliri ministiri we bash muzakirichi ömer chelik gérmaniye bash ministiri angéla mérkélning tamozhna ittipaqi toghrisidiki sözlirige baha berdi.
türkiye awazi radiyosi xewiri: yawropa ittipaqi ishliri ministiri we bash muzakirichi ömer chelik gérmaniye bash ministiri angéla mérkélning tamozhna ittipaqi toghrisidiki sözlirige baha bérip, «bu epsuslinarliq bir bayanat. shuni tekitlesh kérekki, herqandaq bir yawropa ittipaqi döliti yawropa ittipaqi organlirigha, yawropa ittipaqi musapisige yolyoruq bermesliki lazim» dédi.
chelik, enqerede dölet ishliri ziyaritide boluwatqan engliyening yawropa ittipaqi we amérika ishlirigha mesul dölet ministiri alan dunkan bilen körüshti.
ministir ömer chelik, fethullahchi térrorluq teshkilati / parallél dölet qurulmisining ezasi qachqun adil öksüzning gérmaniyede körülgenliki toghrisidiki xewerler toghrisida toxtilip, «adil öksüz mesilisi nahayiti éniq. biz gérmaniye bilen bir dost döletmiz, ittipaqdashmiz. tarixiy chongqurluqqa ige munasiwetlirimiz, (shunga) tarixiy chongqurluqqa we nöwettiki hemkarliqning rohigha uyghun pozitsiyede bolushi kütmektimiz. héchbir dostimiz bir qatilni qoynigha almaydu» dégenlerni qeyt qildi.
ministir ömer chelik sözini dawamlashturup, «(gérmaniye) hökümitige wakaliten bir bayanatchidin <adil öksüz gérmaniyedimu?> dep soraldi. u, <men buni jezmleshtürelmeymen, inkarmu qilalmaymen> dep jawab berdi. buning diplomatiyede qandaq menini ipadileydighanliqini bilimiz. héchbir démokratik dölet, héchbir qanunluq dölet bir térrorchini qoynigha almaydu» dédi.
