«ermeni jamaitining huzuri, bixeterliki we bext – saaditi nahayti muhim»

türkiye awazi radiyosi xewiri: erdoghan istanbuldiki ermeni chérkawida ötküzülgen diniy murasimigha télégramma yollidi.

jumhur reis télégrammiisida mundaq dédi: «dölitimizdiki ermeni jamaitining huzuri, bixeterliki we bext – saaditi nahayti muhim. héchbir ermeni puqrayimizning chetke qéqilishigha, özini ikkinchi sinip puqrasidek hés qilishigha sewr – taqitimiz yoqtur.»

xelqler ara munasiwetlerni kücheytishning ortaq nishan ikenlikini tekitligen erdoghan mundaq dep körsetti: «qanche esirdin buyan xushalliqtimu, ghem – qayghudimu bille yashap kéliwatqan ikki xelqning ötmüshtin qalghan yarilirini téngishi we insaniy munasiwetlirini kücheytishi nahayti zor ehmiyetke ige bolup, bu hemmimizning ortaq nishanidur. bu dairide yéqinqi 14 yildin buyan nahayti köp qedemlerni tashliduq, tarixiy xaraktérlik islahatlarni élip barduq, osmanli ermenilirining xatirisi we ermeni medeniyet miraslirigha sahib chiqish yolida ishlewatqan xizmetlirimizni aldimizdiki mezgildimu izchil dawamlashturimiz.»