türkiye shiwéytsariye metbuatini eyiblidi
türkiye tashqi ishlar ministirliqi, türkiyediki omumiy xelq bélet tashlash paaliyiti toghrisida qaymuqturghuchi ibarilerni ishletken shiwéytsariyening «blik» gézitini eyiblidi.
türkiye awazi radiyosi xewiri: türkiye tashqi ishlar ministirliqi bayanatchisi hüseyin müftüoghlu, shiwéytsariyede chiqidighan «blik» gézitining bir xewiride, türkiyediki omumiy xelq bélet tashlash paaliyiti toghrisida qaymuqturghuchi ibarilerni ishletkenlikini eskertip, qattiq naraziliq bildürdi.
«xewerni küchlük shekilde eyibleymiz» dégen bayanatchi hüseyin müftüoghlu, «kütidighinimiz, jumhur reisimizge qilinghan bihörmetlikni yapidighan qedemlerning tashlinishidur» dédi.
«blik» géziti birinchi bette xewer élan qilip, türkche ibariler bilen kishilerni 16 – apréldiki omumiy xelq bélet tashlash paaliyitide ret qilip bélet tashlashqa chaqirdi. xewerde yene, jumhur reis rejep tayyip erdoghangha haqaret qilindi.
tashqi ishlar ministirliqi bayanatchisi hüseyin müftüoghlu, «bu töhmetlerni qobul qilishimiz mumkin emes, eng küchlük ibariler bilen eyibleymiz» dégenlerni qeyt qildi.
bayanatchi yene, jumhur reis erdoghangha qilinghan bihörmetlikning metbuat erkinliki we muxbirliq bilen alaqisining yoqluqini eskertti.
