erdoghan: islam dunyasi qattiq sinaqqa duch kelmekte
jumhur reis erdoghan goya ot chembiriki bilen qorshalghan islam dunyasining nahayti qattiq sinaqlargha we adettin tashqiri qiyin ötkellerge duch kéliwatqanliqini éytti.
türkiye awazi radiyosi xewiri: erdoghan ammiwi ortaqlishish tor béti Twitter sehipiside élan qilghan bayanatida, mundaq dédi: «uda birqanche esir tinchliqning adrési bolghan islam dunyasi tolimu epsuski nöwette derd – elemler, térrorizm, sürkilishler, weyranchiliqlar we bombardimanlar bilen xatirilinidighan bir rayongha aylinip qaldi. kimlik we mezhep toqunushliri arqiliq bir – birige yatlashturulghan musulmanlar süriyede, iraqta we köpligen jaylarda öz – özini weyran qilmaqta. dunyada bolupmu gherbte muqeddes dinimizni térrorizm bilen birlikte yanmuyan tilgha élishtek yaman niyetlik urunushlargha shahit boluwatimiz. men bir musulman bolush süpitim bilen kimdin kélishidin qetiynezer islamgha térrorizm bilen bohtan chaplaydighan qilmishlargha qetiy taqabil turimen.»
pütkül rayonning, pütkül islam dunyasining hetta insaniyetning kélechiki üchün birlik bolush, birlikte heriket qilish waqtining alliqachan yétip kelgenlikini eskertken erdoghan, «jughrapiyemizge bu derd – elemlerni tartquzghan daéshni, elqaideni, boko haramni, eshshebabni, p k k ni, y p g ni we fethullahchi térrorluq teshkilatini ammiwi halda lenetleymiz. barliq qérindash döletlerni birlik we barawerlik asasida heriket qilip, bir gewdileshtürgüchi siyasetlerni yolgha qoyushqa chaqirimen» dédi.