emine erdoghan afriqiliq yétimlargha köngül böldi
emine erdoghan mozambiktiki yétimxanigha pul iane qildi we yétim ösmürlerge her xil hediye buyumliri tarqitip berdi.
türkiye awazi radiyosi xewiri: jumhur reis rejep tayyip erdoghanning repiqisi emine erdoghan mozambikte her yashtiki ösmürlerge ige chiqiwatqan yétimxanini ziyaret qildi.
emine erdoghan türkiye bash ministirliqigha qarashliq türkiye hemkarliq we kordinatsiye orgini «TİKA» teripidin yétimxanida ötküzülgen chaqliq orunduq tarqitip bérish murasimida söz qilip: «afriqa bilen gerche jughrapiye jehettin uzaq bolsaqmu, qelblirimiz bir we barawerdur. méyip qérindashlirimizning turmush sharaitini azraq bolsimu yaxshiliyalisaq, bu bizge nisbeten eng chong bexttur. xelqimiz we dölitimiz héchqandaq menpeet közlimestin afriqigha dostluq qolini sozushni dawamlashturidu» dédi.
emine erdoghan afriqining türkiyege nisbeten her daim qérindashlar yurti bolup hésablinidighanliqini tekitlidi.
emine erdoghan axirida, yétimxanigha pul iane qildi we yétimxanidiki ösmürlerge her xil hediye buyumliri tarqitip berdi.
ziyaret jeryanida, emine erdoghangha türkiye–tanzaniye parlamént ezaliri dostluq guruppisi bashliqi zehra tashkesenlioghlu bilen bezi ministirlar hemrah boldi.
