türk akadémiklar «atalmish ermeni qirghinchiliqi» qararnamisini testiqlatquzmidi

türkiye awazi radiyosi xewiri: enqere uniwérsitéti latin amérika tetqiqat merkizining bashliqi piroféssor doktor mehmet nejati qutlu anadolu agéntliqi muxbirining ziyaritini qobul qilghanda bergen bayanatida, türkiyening latin amérikigha qarita ishikni échiwétish siyasiti dairiside 2009 – yili qurulghan tetqiqat merkizining   akadémik we medeniyet saheliride paaliyet élip bériwatqanliqini, shundin tartip hazirghiche rayonda türkiyening nopuzini kücheytish we latin amérika ellirining diqqitini türkiye ehmiyet béridighan mesililerge merkezleshtürüsh meqsitide türlük paaliyetlerni élip bériwatqanliqini eskertti.

bu dairide yéqindin buyanqi paaliyetlirining dairisining 1915 – yilqi weqeler bilen munasiwetlik ikenlikini qeyt qilghan qutlu, 2014 – yildin buyan  7 dölettiki dangliq uniwérsitétlardiki shexsler bilen zich hemkarliship, 1 – dunya urushi we 1915 – yilqi weqeler heqqide ilmiy muhakime yighinlirini uyushturup kéliwatqanliqlirini tekitlesh bilen bir waqitta, bu yighinlarda chet ellik alimlarning % 90 tining tetqiqatlarni élip bérip, buning netijilirini hemkarliq ornatqan uniwérsitétlarning neshriyatlirida doklat süpitide öz tilida neshir qildurghanliqlirini éytti.

kolombiye parlaméntiningmu 2016 – yili atalmish ermeni qirghinchiliqini étirap qilish qarari élish üchün heriketke ötkenlikini eskertken qutlu, parlaméntni bu qararidin waz kechtürüsh üchün türkiyening bogota bash elchisi engin yürürning nahayti zor tirishchanliq körsitishi netijiside ünümlük paaliyetlerni élip bériwatqanliqlirini tekitlidi.