xewpsizlik küchliri térrorchilargha zerbe bérish süritini ashurdi
shanliurfaning wiranshehir nahiyeside saqchilarning «teslim bol» dégen chaqiriqlirigha oq chiqirip jawab qayturghan 4 térrorchi, yüz bergen toqunushta ujuqturuldi.
türkiye awazi radiyosi xewiri: shanliurfa wilayetlik saqchi idarisigha qarashliq térrorizmgha qarshi küresh shöbe bashqarmisi xadimliri tekshürüsh élip bérip, PKK térrorchilirining demirji mehellisige yoshurunuwalghanliqini éniqlap chiqti؛ térrorchilarni qolgha chüshürüsh üchün heriketke ötken saqchilarning «teslim bol» dégen chaqiriqlirigha öydiki térrorchilarning qoral arqiliq jawab qayturushi netijiside toqunush yüz berdi, toqunushta PKK térrorluq teshkilatining tagh unsurliridin 4 térrorchi ölük halette qolgha chüshürüldi.
yene bir tereptin, xewpsizlik küchliri tunjeli aliboghazi wadisida hawa we quruqluqtin heriket élip bérip, 14 panahlinish ornini bitchit qildi we PKK térrorluq teshkilatigha eza 8 térrorchini ölük halette qolgha chüshürdi.
mardinning nusaybin nahiyesidimu süriye chégrasidin bomba we oq – dora élip kirishke urunuwatqan bir türküm térrorchilar, xewpsizlik küchliri bilen toqunushi jeryanida ujuqturuldi.
térrorizmgha qarshi küresh süritini ashurghan xewpsizlik küchliri, peqet noyabir éyidila PKK térrorluq teshkilatining 317 ezasini ujuqturdi.
