adana waliysi, térrorluq hujumini sadir qilghan teshkilatning ismini élan qildi
adana waliysi mahmut demirtash, 24 – noyabirda waliyliq mehkimisining aptomobil toxtitish ornida yüz bergen aptomobil bomba hujumini peyda qilghan teshkilatning ismini ashkarilidi.
türkiye awazi radiyosi xewiri: adana waliysi mahmut demirtash, 24 – noyabirda waliyliq mehkimisining aptomobil toxtitish ornida yüz bergen aptomobil bomba hujumini PKK térrorluq teshkilatining sadir qilghanliqini uqturdi.
waliy demirtash, adanadiki térrorluq hujumining jawabkarliqini PKK térrorluq teshkilatigha qarashliq tak teshkilatining üstige alghanliqigha dair uchur tapshurup alghanliqini tekitligen halda, «netijide térrorluq hujumini sadir qilghini PKK dur. PKK bilen TAK oxshash teshkilattur» dédi.
adana waliyliq mehkimisining aptomobil toxtitish ornida aptomobil bomba bilen élip bérilghan térrorluq hujumida 2 adem hayatidin ayrilghan, 33 adem yarilanghanidi.
hujum netijiside, waliyliq mehkimisi binasi ziyangha uchrighan, shundaqla köp sanda aptomobil ishletkili bolmaydighan halgha chüshüp qalghanidi.
