türk éqimi üchün tarixiy imza
jumhur reis erdoghan bilen rusiye pirézidénti putin 23 – nöwetlik xelqara énérgiye yighinida ikki döletke alaqidar nahayiti keng kölemlik ittipaqdashliq kélishimi – türk éqimi kélishimini imzalidi.
türkiye awazi radiyosi xewiri: türk éqimi kélishim layihesi jumhur reis erdoghan bilen rusiye pirézidénti putinning aldida imzalandi. kélishimni türkiyege wekaliten énérgiye we tebiiy bayliqlar ministiri berat albayraq, rusiyege wekaliten énérgiye ishliri ministiri aléksandér nowak imzalidi. jumhur reis erdoghan énérgiye hemkarliqining izchil dawamlishidighanliqini tekitlise, putin türkiyening énérgiye karidorigha aylinighanliqini éytti.
kélishimge asasen rusiye mersinde berpa qilidighan aqquyu yadro éléktir istansisi qurulushi basquchi tézlishidu. karxanichilargha wiza ishlirida qolayliq yaritip bérilidu. rusiye türkiyening köktat, méwe – chiwe we yémek - ichmek mehsulatlirigha qaratqan cheklimini bikar qildi. rusiye bilen türkiye dölet mudapiyesi sahesidimu hemkarliq ornitidu. türkiye alem qatnishi we hawa mudapiyesi sistémisi sodisi jehette rusiyedinmu teklip alidu. rusiye türk karxanichilargha wiza ishlirida qolayliq yaritip béridu hemde kök éqim layihesi dairiside türkiyege sétip bériwatqan tebiiy gazning bahasini chüshürüp béridu.
