«bizmu amérikining iraqtiki herbiy mewjudiyitining qandaq menini bildüridighanliqini sorishimiz kérek»
numan qurtulmush amérikining iraqning bashika lagéridiki türkiyening herbiy mewjudiyitini tenqid qilishigha naraziliq bildürüp, «bizningmu amérikining iraqtiki herbiy mewjudiyitining qandaq menini bildüridighanliqini sorishimizgha toghra kélidu» dédi.
türkiye awazi radiyosi xewiri: muawin bash ministir numan qurtulmush bir muxbirning iraqtiki daéshqa qarshi ittipaqdash küchlirining bayanatchiliridin polkownik jon dorrianning bashikadiki türk herbiy mewjudiyiti toghruluq bergen bayanati toghruluq toxtalghanda mundaq dédi: «biz bu bayanatni bérilmigen dep qaraymiz. eger buninggha inkas qayturushqa toghra kelse, bizningmu amérikining iraqtiki herbiy mewjudiyitining qandaq menini bildüridighanliqini sorishimizgha toghra kélidu. jümlidin bu mesile küntertipke kelmigen dep qaraymiz, eger bu toghruluq soralsa, mushundaq jawab bérimiz. biz tarixtin buyan üch qitede hakimiyet yürgüzgen bir milletning ewladlirimiz. mana mushundaq bir ewladlar bashquruwatqan türkiye döliti héchqachan birawning bir ghérich zéminigha, bir létir dizéligha we bénzinigha köz qirinimu sélip qoymidi we qoymaydu. türk milliti rayondiki barliq qérindashlirigha yardem bérish we derdige derman bolushni izchil dawamlashturidu. shimaliy iraqtiki hökümet bizge <bu yerge kélip, bizge yardem béringlar> dep telep qoyghanliqi üchünla biz bashikada esker turghuzuwatimiz. bu mesilining talash - tartish qilinishigha esla yol qoymaymiz. xudayim buyrisa, süriyede iraq menbelik barliq sürkilishler tügeydu, ichki toqunushlar axirlishidu. beziler ularni sünniy – shie, kord, ereb, türkmen dep parchilashqa urunuwatidu, biz bolsaq allahning bendilirige tillirigha we renggilirige qarap emes, hemmisini peyghember eleyhissalamning ümmiti dep qarap, ularning birlikini qoghdashqa tirishiwatimiz we bu jehettin yolimizni dawamlashturuwatiimiz.»
yene bir tereptin, amérika dölet mudapiye ministirliqi polkownik jon dorrianning ikenliki ilgiri sürülgen «türkiyening iraqtiki herbiy mewjudiyiti qanunsiz» dégen bayanatning qipqizil yalghan ikenlikini bildürdi.
dölet mudapiye ministirliqi bayanatchiliridin maséw alén bu heqte élan qilghan yazma bayanatida, polkownik dorrianning bundaq gepni qilmighanliqini tekitlep mundaq dédi: «u héchqachan bundaq gepni qilmighan, uning bayanatliri xata chüshinip qélinghan bolushi mumkin.»
مۇناسىۋەتلىك خەۋەرلەر
erdoghan sénégalning sabiq pirézidénti maki sal bilen körüshti
jumhur reis rejep tayyip erdoghan sénégalning sabiq pirézidénti maki sal bilen téléfonda körüshti.
