«weten xainlirini ölüm jazasi bilen jazalandurush eng adil jaza bolidu»
türkiye rehberliri türkiye büyük millet mejliside qobul qilinghan we 21 – iyuldin étibaren uda 90 kün ijra qilinidighan «muhim» qarar heqqide inkas qayturushti hemde bu qararning xelqning kündilik hayatigha tesir yetküzmeydighanliqini tekitleshti.
türkiye awazi radiyosi xewiri: bash ministir yildirim 461 parlamént ezasi bélet tashlighan we 346 awaz bilen qobul qilinghan qararname toghruluq toxtalghanda, buningdin herbiy isyanchilarni axturup tutush we ular keltürgen weyranchiliqlarni tüzesh we qurulmiliq mesililerni otturigha qoyup, tégishlik tedbirlerni élish, bu arqiliq uzun yillardin buyan dölet orunlirigha soqunup kiriwalghan fethullahchi térrorluq teshkilati unsurlirini teltöküs tazilash, jümlidin istiqlal we démokratiyege ziyan yetküzüshke urunghan bu melunlarni üzül - késil yoqitish nishan qilinidighanliqini tekitligenidi.
ministirlar kéngishi tünügün chaqirilghan yighinida, dölet xewpsizlik kéngishining tewsiyesige asasen uda 3 ay jiddiiy halet élan qilish qarari alghanidi.
muawin bash ministir numan qurtulmush weziyet izighan chüshken teqdirde, jiddiiy haletning peqet 1 yaki 1 yérim ayla dawamlishidighanliqini bildürgenidi.
jumhur reislik sariyi meslihetchisi ibrahim qalin bir xususiy téléwiziye qanilining ziyaritini qobul qilghanda bergen bayanatida, qararning xelqning kündilik hayatigha dexli - teruz qilmaydighanliqini, eksiche, weten xainlirini axturup tutush, sotlash we adil bir terep qilishta türtkilik rol oynaydighanliqini tekitlidi.
u, xelqning weten xainlirigha ölüm jazasi bérish telipi toghruluq toxtalghanda, «choqum eng adil jaza bolidu» dédi.
