erdoghan parlaméntqa we öktichi rehberlerge rehmet éytti
jumhur reis rejep tayyip erdoghan, kemal qilichdaroghlu we dewlet bahcheli qatarliq rehberlerge téléfon qilip minnetdarliq bildürdi.
türkiye awazi radiyosi xewiri: jumhur reis rejep tayyip erdoghan, jumhuriyet xelq partiyesi bashliqi kemal qilichdaroghlu bilen milliyetchi heriket partiyesi bashliqi dewlet bahcheli qatarliq rehberlerge téléfon qilip, herbiy – siyasiy özgirish qozghash urunushliri jeryanidiki merdane pozitsiyeliri üchün rehmet éytti.
jumhur reis erdoghan tünügün kechte türkiye büyük millet mejlisi bashliqi ismail qahraman, öktichi rehberlerdin jumhuriyet xelq partiyesi bashliqi kemal qilichdaroghlu we milliyetchi heriket partiyesi bashliqi dewlet bahcheli qatarliqlargha téléfon qildi؛ erdoghan türkiye büyük millet mejlisining 15- iyuldiki herbiy – siyasiy özgirish qozghash urunushigha qarshi tewrenmey turghanliqi üchün qahrimanni we u arqiliq parlamént ezalirini tebriklidi.
jumhur reis erdoghan bu dairide qilichdaroghlu we bahcheligimu téléfon qilip, hakimiyet béshidiki partiye bilen birlikte démokratiye we xelqning iradisige igidarchiliq qilip, herbiy – siyasiy özgirish qozghash urunushlirigha qarshi merdane turghanliqi üchün minnetdarliq bildürdi we démokratiyede ching turush mesiliside pütkül partiyelerning ortaq pozitsiye bildürüshining ehmiyitini tekitlidi.
مۇناسىۋەتلىك خەۋەرلەر
iraqning shimalida térrorchilargha ejellik zerbe bérildi
iraqning shimalida bölgünchi térrorluq teshkilati p k k/y p g ezasi 4 térrorchi bir terep qilindi.