«enqere türkiyege qarshi yalghan – yawidaqlar we tetür teshwiqatlargha qarap turalmaydu»
jumhur reislik sariyi bayanatchisi enqere ning türkiyege qarshi yalghan – yawidaqlar we tetür teshwiqatlargha qarap turalmaydighanliqini éytti.
türkiye awazi radiyosi xewiri: jumhur reislik sariyi bayanatchisi ibrahim qalin gérmaniyening 1915 – yilqi weqelerge munasiwetlik qarari heqqide toxtalghanda, türkiyening tarixi bilen yüzlishishtin héchqachan qachmighanliqini, biraq türkiyege qarshi yalghan – yawidaqlar we tetür teshwiqatlargha qarap turalmaydighanliqini éytti.
qalin gérmaniye parlaméntining 1915 – yilqi weqelerge munasiwetlik ermeni dewaliri toghruluq alghan qararini siyasiy mesuliyetsizlik dep atap mundaq dédi: «bu weqelerni bahane qilip, bügünki kündiki türkiye jumhuriyiti we xelqige bésim ishlitishke urunush bihede awarichiliqtur. türkiye döliti we xelqini héch tonimasliqtur. tarixida chong qirghinchiliqni yürgüzgen gérmaniye wijdan azabi tartip, belki aqlinish meqsitide heriket qiliwatidu. gérmaniye parlaméntining qararining türkiyege nisbeten héchqandaq ehmiyiti yoqtur. bu qararni qattiq eyibleymiz. jumhur reis rejep tayyip erdoghan 2015 – yili 1915 – yilqi weqelerni tetqiq qilish üchün ortaq tarix komitéti qurush teklipini sunghanidi. tolimu epsuski, erméniye we erméniyening dewalirini qollawatqanlar hazirghiche bu teklipke ijabiy jawab qayturmidi. gérmaniye parlaméntining qarari türkiye – gérmaniye munasiwetlirige siyasiy hem ijtimaiy jehettin nahayiti zor tesir körsitidu. jümlidin gérmaniyede yashawatqan 3 milyon türkning bu qarargha süküt qilishi mumkin emes.»
