26.01.2024

түркийә авази радийоси: «хабәртүрк» гезити: җумһур рәис рәҗәп таййип әрдоғанниң җәнубий африқа пирезиденти рамафоса билән телефонлишип, исраилийәниң пәләстингә қаратқан һуҗумлири, икки дөләт мунасивити вә дунйави мәсилиләр тоғрисида сөһбәтләшкәнликини хәвәр қилди.

гезитниң хәвиридә көрситилишичә, әрдоған бу һәққаний делони кишилик һоқуққа уйғун шәкилдә нәтиҗилиниши вә исраилийәниң тегишлик җазаға тартилишиға капаләтлик қилиш үчүн, түркийәниң пүтүн күчи билән тиришчанлиқ көрситидиғанлиқини билдүргән.

«сабаһ» гезити: җумһур рәис рәҗәп таййип әрдоғанниң түркийә бүйүк милләт мәҗлиси тәрипидин қобул қилинған <шиветсийәниң шималий атлантик әһди тәшкилатиға әза болуши>ға мунасивәтлик қанунниң елан қилинишиға қарар қилғанлиқини вә алақидар һөҗҗәтни имзалап, мунасивәтлик келишимни тәстиқлиғанлиқини йазди.

«һүррийәт» гезити: җумһур рәис әрдоған рийасәтчилик қилған дөләт бихәтәрлик кеңиши йиғинидин кейин елан қилинған йазма байанатта: «дөлитимизгә хәвп пәйда қилидиған барлиқ террорлуқ тәшкилатлири вә уларниң гумаштилириға— хәлқара қанунда көрситилгән һәқ-һоқуқимиз даирисидә— заман вә маканниң қандақ болушидин қәтийнәзәр, зәрбә беришни давамлаштуримиз» дегән ибариләргә орун берилгәнликини хәвәр қилди.

«йеңи шәпәқ» гезити: түркийә җумһурийити дөләт мудапиә министирлиқиниң америка қошма иштатлириниң сүрийәдин чекинидиғанлиқи тоғрисидики хәвәрләр һәққидә байанат елан қилғанлиқини йазди.

гезитниң хәвиридә көрситилишичә, байанатта, бу һәқтә елан қилинған рәсмий байанатни вә ташланған әмәлий қәдәмни көрмәй туруп, бу хил хәвәрләргә еһтийатчанлиқ билән муамилә қилиш керәклики оттуриға қойулған шундақла районниң мудапиә вә бихәтәрликигә мунасивәтлик барлиқ өзгиришләрниң йеқиндин көзитилидиғанлиқи тәкитләнгән.

«стар» гезити: қазақистанда өткүзүлгән 21-нөвәтлик астанә сөһбәт йиғинида, механизимниң кепил дөләтлири болған түркийә, русийә вә иранниң террорлуққа қарши туруш, сүрийә земинлиридин пайдилинип қилиниватқан һуҗумлар вә соқунуп кириш қатарлиқ қошна дөләтләрниң дөләт бихәтәрликигә тәһдит салидиған бөлгүнчи һәрикәтләргә қарши һәмкарлиқни давамлаштурушниң қарар қилинғанлиқини хәвәр қилди.