11.01.2024

türkiye awazi radiyosi: «hörriyet géziti», jumhur reis rejep tayyip erdoghanning tünügün (10-yanwar) istixbarat idarisi qurulghanliqining 97-yilliqini xatirilesh paaliyitige qatnashqanliqini xewer qildi.

xewerde, rejep tayyip erdoghanning istanbulda isirailiye istixbarat idarisi mossadqa qarshi élip bérilghan heriket üstide toxtilip, «isirailiyening dölitimizdiki ishpiyonluq torini otturigha chiqarghan idarimiz, bizge tehdit salghanlargha jawabimizni del jayida berdi. isirailiye ganggirash ichide, bu téxi emdi bashlandi, türkiyeni buningdin kéyin téximu yaxshi tonuysiler» dégenliki qeyt qilindi.

«star géziti», istixbarat idarisining bashliqi ibrahim qalinning, tünügün idare qurulghanliqining 97-yillliqini xatirilesh paaliyitide, «türkiyening istixbarat nezeriyeside yuqiri orungha ige bolushi meqsitide milliy istixbarat akadémiyesi qurulghanliqini élan qilishtin özemni shereplik hés qilimen» dégenlikini xewer qildi.

«yéngi shepeq géziti», tashqi ishlar ministiri xaqan fidanning tünügün dölet ishliri ziyaritide bolush üchün yétip barghan tajikistanda pirézidént imameli raxman bilen körüshkenlikini xewer qildi.

«xeber türk géziti», türkiyedin 2023-yili 96 döletke fistiq ékisport qilinip, 151 milyon 568 ming dollar kirim qilinghanliqini xewer qildi.

xewerde, türkiyening fistiq ékisport qilghan döletler ichide gérmaniyening birinchi orunda turidighanliqi we 36 milyon 9 ming dollarliq mal sétilghanliqi bildürüldi.

xewerde, italiyening 22 milyon 460 ming dollar bilen ikkinchi orunda, iraqning 12 milyon 628 ming dollar bilen üchinchi orunda turidighanliqi qeyt qilindi.