08.01.2024

türkiye awazi radiyosi: «hörriyet géziti», jumhur reis rejep tayyip erdoghanning amérika tashqi ishlar ministiri antoni blinkén bilen körüshkenlikini xewer qildi.

xewerde, istanbuldiki uchrishishning dunyada keng eks sada peyda qilghanliqi, blumbérg gézitining amérikaning urush axirlashqandin kéyin, ghezzening qandaq bashqurulushigha munasiwetlik pilanlar üchün enqerening qollishini qolgha keltürüshni ümid qilidighanliqi toghrisida maqale élan qilghanliqi qeyt qilindi.

«sabah géziti», tunji milliy qoralliq uchqu songar (SONGAR) ning yéngidin seplengen bomba atar sistémisining muweppeqiyetlik sinaq qilinghanliqini xewer qildi.

«star géziti», qatnash ministiri abdulqadir uraloghluning ghaziantepning owaköydin bashlinip iraqning besre shehirige tutashturulidighan tereqqiyat yoli layhiesi toghrisida bayanat élan qilghanliqini xewer qildi.

xewerde, ministir uraloghluning, «tereqqiyat yoli karidorini iraq bilen birlikte royapqa chiqirimiz. ereb birleshme xelipiliki we qatarmu buninggha qoshulidighandek turidu» dégenliki qeyt qilindi.

«xeber türk géziti», 2023-yili türkiyedin her qaysi döletlerdiki 213 erkin soda rayonigha  12.4 milyard dollar qimmitide danliq ziraet we ziraet uruqi ékisport qilinghanliqini xewer qildi.