22.12.2023
bügünki türkiye metbuatliridin tallap teyyarlanghan muhim xewerlirimizning qisqiche mezmunliri töwendikiche:
türkiye awazi radiyosi: «xeber türk géziti», türkiye jumhuriyiti merkiziy bankasining chet el pul zapisining dawamliq éshiwatqanliqini xewer qildi.
xewerde, merkiziy banka chet el pul zapisining 142.5 milyard dollargha yétip, eng yuqiri sewiyege yetkenliki qeyt qilindi.
«yéngi shepeq géziti», sanaet we téxnologiye ministiri mehmet fatih kajirning béyjingda xitay sanaet ministiri bilen körüshkenlikini xewer qildi.
xewerde, uchrishishlarda tokluq qatnash wastiliri we bataréyelerni öz ichige alghan ikki terep hemkarliqlirining muzakire qilinghanliqi bildürüldi.
xewerde, ministir kajirning, «türkiyeni tokluq qatnash wastiliri we bataréye saheside ishlepchiqirish merkizige aylandurushni xalaymiz» dégenliki qeyt qilindi.
«star géziti», türkiyening gabar rayonida néfit we tebiiy gaz ishlepchiqirishida rékort yaritiwatqanliqini xewer qildi.
xewerde, gabardiki néfit ishlepchiqirishida 30 ming warildin ashqanliqi bildürüldi.
énérgiye we tebiiy bayliqlar ministiri alparslan bayraktar, «yéngi bayqashlar arqiliq türkiyening bu sahediki sirtqa tayinishchanliqini axirlashturimiz» dégen.
«sabah géziti», jumhur reislik mehkimisi istratégiye we xamchot idarisining muawin bashliqi qutluxan tashqinning, türkiyening qatnash-tiransiport jehettin yaxshi pursetlerge ige ikenlikini éytqanliqini xewer qildi.
xewerde, qutluxan tashqinning, «dölitimiz jemiy 1.4 milyard nopusqa ige 67 dölet bilen bolghan ariliqi ayropilanda töt saet kélidu. bu döletlerning omumiy ishlepchiqirish kirimi 40 tiriliyon dollargha yétidu. qatnash-tiransiport nuqtisidin nahayiti chong pursetliri bolghan bir jughrapiyedimiz» dégenliki qeyt qilindi.
