21.12.2023

türkiye awazi radiyosi: «weten géziti», jumhur reis rejep tayyip erdoghanning «jumhur reislik medeniyet-senet büyük mukapatliri» murasimida, isirailyening ghezzediki qirghinchiliqlirigha naraziliq bildürüp: «hemme kishi u yerde némilerning yüz bériwatqanliqini bilidu. dunyadiki onlarche chong dölet hökümetlirining isirailiyening qetliam we oghriliqni asas qilghan hujumlirigha qarshi jimjit qarap turushi, insaniyet üchün nomus qilarliq ehwal hésablinidu» dégenlikini xewer qildi.

«hörriyet géziti», 7-öktebir (2023) hamas teripidin newrisi tutup kétilgen isirailiyelik stélla sambranoning türkiyedin yardem sorighanliqini xewer qildi.

xewerde, stélla sambranoning özining istanbulda tughulghanliqini we yilda bir qanche qétim istanbulgha baridighanliqini bildürüp, «biz istanbulni, jumhur reis rejep tayyip erdoghanni nahayiti yaxshi körimiz. uningdin bir chong ana üchün balilirini ekilip bérishini, bizge yardem qilishini soraymen» dégenliki qeyt qilindi.

«yéngi shepeq géziti», rejep tayyip erdoghanning wéngiriye ziyaritidin memliketke qaytishida, shiwétsiyening natogha eza bolush sherti toghrisida amérikagha qarita éytqan sözlirining dunya metbuatlirida eks sada peyda qilghanliqini xewer qildi.

«star géziti», merkizi amérikagha jaylashqan «qurulush xewerliri-xatirisi»(ENR)  zhurnili «yilliq layihe» bolup bahalanghan «1915-chanaqqele»köwrüki üchün mukapat bergenlikini xewer qildi.

 «sabah géziti», türkiyede yaxshi körülidighan «tonur sütlach» tatliq yémeklikining, dunyadiki eng lezzetlik sütte pishurulidighan tatliq yémeklik tizimlikide ikkinchi orunni igelligenlikini xewer qildi.