20.12.2023

türkiye awazi radiyosi: «sabah géziti», jumhur reis rejep tayyip erdoghanning wéngiriye ziyaritini axirlashturup memliketke qaytish sepiride, ayropilanda muxbirlarning soallirigha jawab bergenlikini xewer qildi.

xewerde, rejep tayyip erdoghanning türkiyening yawropa ittipaqigha ezaliq musapisi üstide toxtilip, «yawropa ittipaqigha eza bolushqa nurghun döletlerdin yaxshi teyyar halette bolghan türkiyening, yillardin buyan siyasiy tosqunluqlar sewebidin bosughida saqlitilishi xata. yawropa ittipaqi emdi bu xataliqtin waz kéchishi lazim» dégenliki qeyt qilindi.

«star géziti», rejep tayyip erdoghanning paytext budapéshttiki uchrishishlirining wéngiriye taratqulirida eks sada peyda qilghanliqini xewer qildi.

xewerde, erdoghan bilen wéngiriye bash ministiri wiktor orbanining uchrishishining, «türkler bilen wéngirlar 21-esirning birlikte ghelibe qilghuchiliri bolidu» serlewhisi astida xewer qilinghanliqi we wiktor orbanning «türkiye bolmisa wéngiriyening bixeterlikimu bolmaydu» dégen sözige orun ajritilghanliqi qeyt qilindi.

«hörriyet géziti», tashqi ishlar ministiri xaqan fidanning tünügün (19-dékabir) enqerede iraq tashqi ishlar ministiri fuad hüseyin bilen körüshkenlikini xewer qildi.

«xeber türk géziti», türkiyediki 119 uniwérstétning dunyadiki eng yaxshi 3 ming uniwérstét ichige kirgenlikini xewer qildi.

xewerde, enqerediki hajettepe uniwérstétining derijisi eng yaxshi bolghan uniwérstét larning birsi ikenliki bildürüldi.