12.12.2023

türkiye awazi radiyosi: «weten géziti», jumhur reis rejep tayyip erdoghanning, «yolgha qoyulghan iqtisadiy tedbirlerning ijabiy tesirliri bazarda hés qilinishqa bashlidi. öktebir éyidiki emgek küchi istatistika reqemliri toghra yolda méngiwatqanliqimizning béshariti» dégenlikini xewer qildi.

«hörriyet géziti», türkiye néfit hessidarliq shirkitining shirnak wilayiti gabar téghi «shéhit esma chewik we shéhit aybüke yalchin néfit meshghulat rayoni» da, künlük néfit ishlepchiqirish miqdarining 30 ming warilgha yetkenlikini élan qilghanliqini xewer qildi.

«sabah géziti», maliye ministiri mehmet shimshekning öktebir éyida ishsizliq nisbitining yéqiqi 11 yildiki eng töwen sewiye bolghan %8.5 ke töwenligenlikini bildürgenlikini xewer qildi.

xewerde, mehmet shimshekning, «her küni yolgha qoyghan siyasetlirimizning netijilirini körüwatimiz, pirogramma nishanimiz izchil halda bir-birlep emelge ashidu» dégenliki qeyt qilindi.

«star géziti», türkiye bayka shirkiti öz küchige tayinip yasap chiqqan «TB2SİHA-bayraktar» tipliq uchqusining 750 ming saet uchushni muweppeqiyetlik tamamlighanliqini xewer qildi.

«xeber türk géziti», mardinning qiziltepe nahiyesidiki axéologiyelik qézishta, rim dewrige ait dacha xarabilikidin déngiz janliqlirining süriti chüshürülgen tash oyma resimlerning tépilghanliqini xewer qildi.

xewerde, arxéologiyelik qézish xizmetlirige yétekchilik qiliwatqan mardin muzéyisining mudiri abdulgani tarkanning, haywan resimliri chüshürülgen tash oymilarni muzéyida körgezme qilishni pilanlighanliqlirini éytqanliqi qeyt qilindi.