08.12.2023

türkiye awazi radiyosi: «weten géziti», jumhur reis rejep tayyip erdoghanning girétsiye bash ministiri kiryakos michotakis bilen birlikte ötküzülgen axbarat élan qilish yighinida, «biz ege déngizini tinchliq we özara hemkarliq déngizigha aylandurushni xalaymiz. türkiye-girétsiye birlikte tashlaydighan qedemler bilen dunyagha örnek bolushni arzu qilimiz. bizning otturimizda hel bolmaydighan héchqandaq mesile yoq» dégenlikini xewer qildi.

«star géziti», jumhur reis rejep tayyip erdoghan girétsiye taqighan lawriyon lagéri üstide toxtalghanda, «biz lawriyon lagérining taqalghanliqini memnunluq bilen qarshi alduq. girétsiyening térroristlargha panahlinish imkaniyiti yaritip béridighan buninggha oxshaydighan lagérlarning peyda bolmasliqi üchün diqqet qilishini tekitlidim» dégenlikini xewer qildi.

«sabah géziti», sehiye ministiri fahrettin kojaning ghezzede sehiye xizmetlirini shu yerning özide qilishni meqset qilghanliqlirini bildürüp, ghezzede üch ahaliler rayonining ul-esliheliri nuqtisidin muwapiq emeslikini, refah chégra éghizigha yéqin bolghan tötinchi ahaliler rayonini tekshürüsh xizmetlirining axirlashqanliqini éytqanliqini xewer qildi.

xewerde, tötinchi nuqtining dala doxturxanisi qurush üchün muwapiq bolush mumknlikini eskertip, bu mesilide misir we isirailiyening sehiye ministirliri bilen pikir birliki hasil qilinghanliqini bildürgenliki qeyt qilindi.

«xeber türk géziti», türkiyening 2023-yili yanwar éyidin noyabir éyighiche bolghan ékisport soda omumiy sommisining %20 éship, 12 milyon 202 ming 980 dollargha yetkenlikini xewer qildi.

«hörriyet géziti», sanaet we téxnologiye ministiri mehmet kachirning chanaqqelening meshhur «ezine érimchiki» ning, yawropa ittipaqida tizimgha élinghanliqini bildürgenlikini xewer qildi.