01.12.2023

türkiye awazi radiyosi: «xabertürk» géziti: amérika neshriyat – metbuat shirkiti — politikoning yawropadiki 28 kishini üch ayrim katégoriyede «2024 yawropasining eng küchlük kishiliri» tizimlikige kirgüzgenlikini xewer qildi.

gézitning xewiride körsitilishiche, politiko «muressechi» dep atighan jumhur reis rejep tayyip erdoghannimu mezkur tizimlikke kirgüzgen.

«yéngi shepeq» géziti: türkiye jumhuriyiti edliye ministiri yilmaz tunchning: «türkiye hazirghiche qandaq bolghan bolsa, buningdin kéyinmu edliye hemkarliqi mesiliside xelqara qanunda körsitilgen mejburiyetlirini qetiy ada qilidu. biz söhbetdashlirimizningmu térrorluqqa qarshi küreshte oxshash semimiylik we iradini namayan qilishini ümid qilimiz» dégen sözliri oqurmenliri bilen ortaqlashti.

«hürriyet» géziti: türkiye jumhuriyiti soda ministiri ömer bolatning, 2023 – yilining üchinchi charikide %5.59lik éshishni qolgha keltürgen türkiye iqtisadining uda 13 pesil yuqiri sürette éshish halitini saqlap qalghanliqini otturigha qoyghanliqini yazdi.

xewerde körsitilishiche, ministir bolat: «türkiye üchinchi chareklik sanliq melumatliri élan qilinghan 20 dölet guruhi we iqtisadiy hemkarliq we tereqqiyat teshkilati döletliri ichide, iqtisadiy eng téz ashqan dölet boldi» dégen.

«star» géziti: méyiplarning türkiyening yerlik aptomobili «togg»qa seplengen reqemlik tizginlesh iqtidarigha ige üsküniler bilen yollarda «tosalghusiz» mashina heydiyeleydighanliqini yazdi.

«sabah» géziti: Next Generation (kéyinki ewlad) tor békitining, 2023-yilining dunyadiki eng yaxshi 50 neper yash ixtisasliqlirini élan qilghanliqini xewer qildi.

xewerde, aldinqi yillargha sélishturghanda körünerlik özgirishler bolmighan tizimlikke mushu pesilning béshida réal madrid komandisigha yötkelgen we bu musabiqe peslining béshida xan jemeti madridqa yötkelgen türkiyelik mahir arda gulerningmu kirgenliki qeyt qilindi.