29.11.2023

türkiye awazi radiyosi: «star» géziti: jumhur reis rejep tayyip erdoghanning tünügün b d t bash katipi antoniyo gutérrés bilen téléfonliship, israiliyening qanunsiz hujumlirigha qarita xelqara jemiyettin kütülüwatqan ümidler, insanperwerlik kirizisini hel qilish teklipliri we uzaq muddetlik tinchliq ornitish yolidiki tirishchanliqlar qatarliq mesililerni muzakire qilghanliqini xewer qildi.

«hürriyet» géziti: türkiye jumhuriyiti tashqi ishlar ministiri xaqan fidanning biryussélda amérika tashqi ishlar ministiri antoniy blinkén bilen körüshkenlikini xewer qildi؛ xewerde körsitilishiche, ministir antoniy blinkén söhbet jeryanida ministir fidangha: «men shimaliy atlantik ehdi teshkilatining muhim, intayin qimmetlik ittipaqdishi bolghan türkiye bilen bolghan hemkarliqimizdin minnetdarmen» dégen.

«sabah» géziti: türkiye ghezzede qurushni pilanlawatqan «dala doxturxanisi»ning teyyarliq xizmetlirini qilidighan téxnika heyitining rayongha yétip barghanliqini xewer qildi.

gézitning xewiride körsitilishiche, diplomatik menbeler, türkiyening heyetning doklatigha asasen, mezkur dala doxturxanisini baldurraq ishqa kirishtürüshni pilanlanmaqta iken.

«weten» géziti: bu yil üchinchi qétimliqi ötküzülgen 2023 – yilliq awiyatsiye muweppeqiyet mukapati (BlueskyAwards 2023)gha érishküchilerning élan qilinghanliqini yazdi.

xewerde, türkiyening ikkinchi chong ayrodurumi bolghan <istanbul sabiha gökchen>ning bu yil ikkinchi qétim <awiyatsiye muweppeqiyet mukapati> katégoriyeside <munewwer reqemlik aydrodurum> mukapatigha we <awiyatsiiye tür mukapati>  katégoriyesige kirgen alte türi bilen bahalighuchilar komitéti mukapatigha érishkenliki qeyt qilindi.

«yéngi shepeq» géziti: türkiye bilen engliyening erkin soda kélishimining dairisini kéngeytish we yéngilash toghrisida söhbet ötküzüshke teyyarliq qiliwatqanliqini xewer qildi.

gézitning xewiride körsitilishiche, nöwettiki kélishim, engliye yawropa ittipaqidin ayrilghandin kéyin oxshimighan döletler bilen imzalighan tunji <erkin soda kélishimi> bolush nuqtisidin muhim iken.