2014/06/23

«‹sabah› géziti», «kérri misirgha qoli bosh kelmidi» serlewhilik xewiride, amérika qoshma ishtatliri diplomatiye ministiri jon kérrining ottura sherq ziyariti dairiside tünügün misirda ziyarette bolghanliqini yazdi. gézit, kérrining paytext qahirede misir pirézidénti abdulfettah essisi bilen körüshkenlikini eskertti. xewerde, bu ziyaretning ötken ayda ötküzülgen pirézidéntliq saylamliridin kéyin amérika tereptin misirgha élip bérilghan eng yuqiri derijilik ziyaret ikenlikige isharet qilip ötüldi. gézit, amérikining kérrining ziyariti harpisida misirgha 572 milyon dollarliq eskiriy yardem bergenlikini oqurmenliri bilen ortaqlashti.
«‹star› géziti», «beriket mashiniliri rumeli yolida» serlewhilik xewiride, «qérindashliqning chégrasi yoq» shoari astida her yili ramizanda balqan rayonigha yardem qolini sunup kéliwatqan istanbul bayrampasha sheherlik hökümetning beriket mashinilirining qérindashliq sepirini bashlighanliqini eskertti. gézit, kirodiye, sérbiye, bosniye – gértségowina, qaradagh, kosowo, albaniye, makédoniye, girétsiye we bulghariyede sélinidighan iptar dastirxanlirida qérindashliqning ortaqlishilidighanliqini qeyt qildi.
«‹axsham› géziti», «bergama we jumaliqizik dunya mirasliri tizimlikide» serlewhilik xewiride, qatarning paytexti dohada bu yil 38- qétimliqi ötküzülgen dunya mirasliri komitéti yighinida b d t pen- maarip, medeniyet teshkilatining bursa jumaliqizik we bergamani dunya mirasliri tizimlikige alghanliqini eskertti. gézit, türkiyening tizimliki medeniyet mirasining 13 ke yetkenlikini qeyt qildi.
«‹hörriyet› géziti», «Bosch tin bursagha 850 milyon lira sélinma salidu» serlewhilik xewiride, Bosch ning bursagha jaylashqan ishlepchiqirish ornida dizél téxnologiyesige ige ishpirislarni ishlepchiqirish üchün yéngi bir bölüm achqanliqi qeyt qilindi. gézit, yéngi bölümge 850 milyon türkiye lirasi (300 milyon yawro) meblegh ajritilghanliqini eskertti. xewerde, ilim – pen, sanaet we téxnologiye ministiri fikri ishiqmu ishtirak qilghan lénta késish murasimida söz qilghan Bosch ning türkiye wekili stéwén yangning «bu sélinma Bosch ning bursadiki ishlepchiqirish orunlirigha bolghan ishenchisini tekitleydu» dégenlikini oqurmenliri bilen ortaqlashti.
«‹sabah› géziti», «achquch dölet türkiye» serlewhilik xewiride, wolkswéygén guruhi markiliridin ‹séat› ning nezirini türkiyeni öz ichige alghan yéngi bazarlargha aghdurghanliqini yazdi. gézit, shirketning türkiye, méksika we aljiriyege oxshash ellerdiki mal – mülüklirini ashurushni qarar qilghanliqigha isharet qilip ötti.
«‹milliyet› géziti» ning «biz mawi bayraqqa baymiz» serlewhilik xewiride, türkiyening 2014- yili 397 mawi bayraqliq su üzüsh orni bilen dunyada üchinchi bolghanliqini yazdi. gézit, marmaris sayahetchilik we muhit pidakarliri guruppisining bashliqi filiz ersanning, mawi bayraqning su üzüsh orunliridiki déngizning pakiz ikenliki we kéreklik bixeterlik tedbirlirining élinghanliqigha isharet qilidighanliqini éytqanliqini oqurmenliri bilen ortaqlashti.
«‹weten› géziti», «antalyadin bir künde 196 ming yoluchi uchti» serlewhilik xewiride, dölet awiyatsiye meydanlirini bashqurush orgini bash mudiri orhan birdalning twéttir arqiliq tarqatqan bir uchurigha orun ajratti. gézit, birdal tarqatqan uchurgha köre, antalya ayrodurumigha bir künde 971 ayropilanning qonup qozghalghanliqini we yoluchilar sanining bolsa, 169 ming 121 bolghanliqini qeyt qildi.
«‹milliyet› géziti», «türk alim chölde su qiyinchiliqi mesilisini hel qildi» serlewhilik xewiride, amérikida yashaydighan türk pen – tetqiqatchi shehmus özden we xizmetdashlirining su mesilisini hel qilish üchün nano téxnikisidin paydilinip muhim bir keshpiyat yaratqanliqini qeyt qildi. gézit, keshpiyat toghrisida melumat bergen özdenning «tebietni tetqiq qilghinimizda, ichimlik süyini peqet énérgiyege mohtaj bolmastin biterep qilidighan mewjudatlarni uchritimiz. mesilen, afriqining namib chölide yashaydighan sténokara isimlik hasharat hawadiki su tamchilirini bedinining üst qismi we qanatliridiki mukemmel shekil sayisida toplap, su éhtiyajini qamdiyalaydu» dégenlikini oqurmenliri bilen ortaqlashti.