2014/06/22

«‹sabah› géziti», «erdoghan lyonda notuq sözlidi» serlewhilik xewiride, yawropaliq türk démokratlar birliki qurulghanliqining 10 – yilliqini tebriklesh paaliytide yawropade yashaydighan minglarche türkke xitab qilghan bash ministir erdoghan ermeni weqeliri heqqidimu toxtalghanliqini yazdi. gézit, erdoghanning «ichki siyasette awazgha érishish üchünla irqchiliqqa, bölgünchilikke, bolupmu islamobofiya peyda qilishqa urunushning yawropa üchün, yawropa qimmet – qarashliri üchün xewp élip kélidighanliqini qanche qétimlap otturigha qoyduq» dégenlikini oqurmenliri bilen ortaqlashti.
«‹yéngi shepeq› géziti», «néfit döliti türkiyedin néfit telep qildi» serlewhilik xewiride, énérgiye we tebiiy bayliqlar ministiri taner yildizning, iraq sham islam döliti teshkilati beyji néfit ayrish zawutining kontrolluqi astigha élip ishlepchiqirishni toxtatqandin kéyin iraqning néfit éhtiyajini türkiyening qamdishi toghrisida telep kelgenlikini eskertkenlikini yazdi. gézitning bildürüshiche, ministir yildiz «bu telep türkiye néfit ayrish hessidarliq shirkiti teripidin qamdilishi mumkin. lékin buni yötkeshning bolupmu xabur chégra éghizida uzungha suzulghan üchretlerning shekillinishini keltürüp chiqiridu. buni orundashning asangha toxtimaydighanliqini éytishim mumkin» dégen.
«‹milliyet› géziti», «istanbulda bob daylan tentenisi» serlewhilik xewiride, amérikiliq dangliq naxshichi bob daylanning istanbulda sehnige chiqip, türk heweskarliri bilen uchrashqanliqini yazdi. gézit, hayat hékayisi bayan qilinghan kitabining birinchi bölümide özining türk ikenlikini, momisining trabzondin köchüp ketkenlikini, esli yurtining qarsning qaghizmanli rayoni ikenlikini bildürgen cholpanning, heweskarlirida untulmas xatirilerni qaldughanliqini qeyt qildi.
«‹hörriyet› géziti», «kümüsh at mukapatliri strazburgda tarqitildi» serlewhilik xewiride, yawropada 28 yildin boyan islamobofiya we irqchiliqqa qarshi küreshliri bilen tonulghan xelqara barawerlik, adalet we tinchliq kéngishining firansiyening strazburg shehiride xelqara kümüsh at kino – filim we naxsha – muzika mukapatlirini tarqatqanliqini yazdi. gézit, yawropada yashaydighan türk senetchilerning xizmetlirini righbetlendüridighan kümüsh at mukapati murasimida, rep türide muhebbetning mukapat alghanliqini, eng yaxshi naxsha – muzika guruppisi türide parizhda firansiyening tunji türk naxsha – muzikisi ansambilini qurup chiqqan selin tenikning mukapatqa layiq körülgenlikini qeyt qildi.
«‹sabah› géziti», «xelqara tenterbiye höküm chiqirish mehkimisi jüneyt yükselni aqlidi» serlewhilik xewiride, xelqara tenterbiye höküm chiqirish mehkimisi, türkiye atlétika fédératsiyesining jazalash orgini teripidin 18 ay boyiche musabiqilerge qatnishish hoquqidin meniy qilinghan milliy atélétika mahiri newin yanitning meshiq qildurghuchisi jüneyt yükselge bérilgen jazani emeldin qaldurup, munasiwetlik matériyalni organgha qayturghanliqini yazdi. gézit, xelqara tenterbiye höküm chiqirish mehkimisining bu qararidin kéyin tereplerning diqqet – étibarining qaytidin , türkiye atlétika fédératsiyesining jazalash orginigha aghdurulghanliqini eskertti. xewerde körsitilishiche, , türkiye atlétika fédératsiyesining jazalash orgini ötken yili 4- dékabirda qarar maqullap, tenheriketchisi dora ishletken 23 meshiq qildurghuchigha 1 bilen 3 yil ariliqida musabiqilerge qatnishishtin meniy qilghan iken.