türkiye metbuatlirida bügün

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye awazi radiyosi xewiri: hörmetlik radiyo anglighuchi eziz qérindashlar! xeber türk géziti, «3 – küwrük tüwrüklirining uzunliqi 245 métirgha yétip qaldi» serlewhilik xewiride, aldinqi yili qurulishi bashlanghan 3 – köwrük we shimaliy marmara téz süretlik tash yoli layihesi xizmetlirining téz süret bilen dawamlishiwatqanliqi, jemiy uzunluqi 320 métir bolidighan köwürk tüwrüklirining barghanche yuqiri örlewatqanliqi, istanbulning her ikki qirghiqidin körgili bolidighan köwrük tüwrüklirining hazir 245 métirgha yétip qalghanliqi hemde köwrük qurulishida 5500 neper kishining xizmet qiliwatqanliqi we kéler ay bu sanning 8 minggha chiqirilishi mölcherliniwatqanliqi qeyt qilindi.
milliyet géziti, «türkiyening aptomatik mergen miltiqi oghurlinip ketti» serlewhilik xewiride bildürülishiche, firansiyening paytexti parizhda 18 – iyundin 20 – iyunghiche ötküzülgen we türkiyedin 11 shirket qatnashqan (Eurosatory) namliq yermenkide, türkiye mashinisazliq we ximiye shirkiti heyran qilarliq bir weqege düch kelgen. görgezmige qoyulghan (Bora 12) namliq aptomatik mergen miltiqi körgezmidin yuqulup ketken. türkiyening mashinisazliq we ximiye shirkiti mesulliri, körgezme munbirining bixeterlik tedbiriliri toluq ikenlikini we alahide achquch ishlitish arqiliq oghurlap kétilgenlikini bildürdi.
7.62 millimétirliq we 1200 métir uzaqliqtiki nishangha tesir körsiteleydighan mergen miltiqi (Bora 12) pütünley türkiyede ishlepchiqirilghan bolup, mesullarning bildürishiche, miltiqni oghurlighan kishi uni ishlitelmeydiken, chünki miltiqning étish sistémisi ichige qoyulmighan iken.
sabah géziti, «türkiye iqtisadi bartinda 50 milyard dollarliq kömür zapisigha ige bolidu» serlewhilik xewirde qeyt qilinishiche, amasrada yer asti bayliqlarni bayqash üchün élip bérilghan tekshürüshler netijide 700 milyon tonna etrapida kömür zapisi bayqalghan. bu kömürning chiqirish arqiliq türkiye texminen 50 milyard dollarliq kirimge ige bolidiken.
xettat énérgiye we kan ishliri héssidarliq shirkiti mudiri ölmez bu heqte toxtilip, «kömür chiqirish üchün hazirgha qeder amasragha 400 milyon dollar meblegh salduq. bu sélinma texminen 2 yérim milyard dollarghiche yétip baridu. her yili 10 ming tonna kömür chiqirish nishanimiz bar» dédi.
hörriyet géziti, «altun bahasi 2 heptide %5.5 ashti» serlewhilik xewiride, iraqta yüz bergen malimanchiliq tüpeylidin xelqara bazarda altun bahasining %5.5 örlep ketkenliki, türkiyede altunning giram bahasining 83 liradin 90 liragha chiqqanliqi, bu örleshning altun sahesinimu heyran qaldurghanliqi hemde néfit bahasining örlep kétishige parallél arleshni dawamlashturiwatqanliqi qeyt qilindi.
yéngi shepeq géziti, «istanbul chong yermenkige teyyarliq qiliwatidu» serlewhilik xewiride, «kinochiliqimizning 100 – yili» dégen téma astida bu yil 33 – nöwetliki ötküzülidighan xelqara istanbul kitab yermenkisining sherep méhmini ataqliq yazghuchi atilla darsay bolidighanliqi, istanbul yermenke we qurultay merkizide 8 – noyabirdin 16 – noyabirghiche ötküzülishi pilanlanghan paaliyetler jeryanida atilla darsayning hayati, xizmetliri we eserlirini tonitidighan körgezme échilidighanliqi, yermenke buyiche liksiye sözlesh yighinliri qatarliq her tülük paaliyetlerning orunlashturilidighanliqi bildürüldi.
33 – nöwetlik xelqara istanbul kitab yermenkisi bilen 24 – nöwetlik senet yermenkisi (ARTİST 2014) teng birla waqitta ötküzülidu.
radiyo anglighuchi eziz qérindashlar! yuqirida türkiye gézitliridin tallap teyyarlighan qisqiche xewerlirimizni anglidinglar!
qirindashlar shuni unutmayli! islamda tillashla emes, bashqisining yüz - abiroyigha zerriche ziyini yétighan her qandaq sözni qilish gheywet hésablinidu. bezide süküt qilish eng ötkür jawapmish, shunga men süküt qilay, sözmenlik silerge mubarek bolsun!
emise siler ishtiha bilen nawat chayni bolishigha temini chiqirip deplep qoyup, hayatinglarda bir qétimmu körüp baqmighan mehmet görmez xojining göshini térik turghuzup ghajap chishlep mezze qilip yéyishni dawamlashturiwéringlar! aghizinglargha tétimay qalsa, qoshaq qétip achchiqsu – lazigha milisenglermu meyli! netijide her kim allahqa özi jawap béridu. men wezipemni ada qilip boldum.