20.06.2014

türkiye awazi radiyosi: «yéngi shepeq géziti», dölitimiz bash ministiri rejep tayyip erdoghanning, awstiriye paytexti wiyénnada yawropa türk démokratlar birliki (UETD) qurulghanliqining 10 – yilliqini tebriklesh paaliyetliri dairiside ötküzülgen «wiyénna uchrishishi» gha ishtirak qilghanliqini xewer qildi.
gézitning xewiride, rejep tayyip erdoghanni onminglarche ademning qarshi alghanliqi bildrüldi.
xewerde, rejep tayyip erdoghanning, «biz bügün wiyénnagha köngüllerni utush üchün kelduq. biz awstiriyede, gérmaniyede we yawropaning bashqa barliq döletliride méhniti, tejribisi, eng muhimi tinchliq we dostluqliri bilen mewjut bolup turuwatqan xelqmiz» dégenliki eskertildi.
«sabah géziti», ispaniye padishahi juan karlosning textini oghli félipqa ötküzüp bergenlikini xewer qildi.
xewerde, herbiy murasimdin kéyin, padishah félip bilen xanish létiziyaning qizliri bilen birlikte orda balkonidin xelqqe salam bergenliki qeyt qilindi.
«star géziti», «yawropa ittipaqining yéngi énérgiyege éhtiyaji bar» serlewhilik xewiride, türkiye soda – sanaetchiler birleshmisining bashliqi rifat hisarjikoghluning izmirde ötküzülgen 33 – nöwetlik türkiye – yawropa ittipaqi meslihet komitéti yighinida qilghan sözlirini élan qildi.
gézitning xewiride, yawropa ittipaqining kéngiyishining, ittipaqqa yéngi qan qoshidighanliqini eskertken hisarjikoghluning, «türkiye bolush süpitimiz bilen körsetken iqtidarimizni yawropa ittipaqi ichidimu körsitishni xalaymiz. wiza mesilisi, türkiyening yawropa ittipaqigha bolghan qarishi we yawropa ittipaqining qimmet ölchemlirige mas kelmeydu» dep éytqanliqi qeyt qilindi.
«xeber türk géziti», türkiyede oyak (Oyak) guruhi bilen birlikte ishlepchiqirish bilen shughullinidighan rénalt (Renault) shirkitining mehsulat ünümini östürüshke mesul muawin bashliqi jéromé stolning, shirketning dunyadiki asasliq ishlepchiqirish merkezliridin biri bolghan bursagha meblegh salidighanliqini éytqanliqini xewer qildi.
«axsham géziti», amérika merkiziy bankisining xéli uzunghiche ösüm nisbitini töwen tutidighanliqini xewer qildi.
gézitning xewiride, amérika merkiziy bankisining bashliqi jéynit yélléning, «2016 – 2015 yillirida iqtisadiy jehette chong ilgirileshni qolgha keltürimiz» dégenliki qeyt qilindi.