18.06.2014

sitar géziti «yawropa ittipaqidin eng az ikki maddini muzakirige qoyushini kütüwatimiz» serlewhilik xewiride, yawropa ittipaqi ministiri we qoshumche bash muzakirichi mewlut chawushoghluning yawropa ittipaqining türkiyege tutqan pozitsiyisining obéyktip, adil we ünüm merkezlik bolushini kütüp kéliwatqanliqlirini we ezaliq musapisi üchün konkrét waqit belgilinishini arzu qilidighanliqlirini éytqanliqini oqurmenliri bilen ortaqlashti. xewerde mewlut chawushoghluning munu sözliri neqil keltürüldi: «yawropa ittipaqigha toluq eza bolush yolida tashlighan qedemlirimizning netijisini körüsh hem bizge hemde yawropa ittipaqigha nisbeten intayin muhim.»
haber türk géziti «eskerlerning yéngi qorali: m p t - 7.6 » serlewhilik xewiride türk armiyisining tunji yerlik miltiqlargha érishkenlikini qeyt qildi. gézit namini «milliy piyade miltiqi» qisqartilmisidin we 7.62 millimétirliq diamétir ölchimidin alghan «m p t -7.6 » miltiqlirining türk armiyesige tapshurup bérilgenlikini yazdi. xewerde kéler yildin bashlap emektar g - 3 tipliq miltiqlarning ornini alidighan yéngi tipliq militiqlarning hessilep ishlepchiqirilishqa bashlanghanliqi qeyt qilindi. gézit bezi döletlerning tamamen türk inzhinérliri teripidin layihilengen m p t - 76 tipliq miltiqlargha diqqet qiliwatqanliqlirini oqurmenliri bilen ortaqlashti.
watan géziti «dewa guruhi yawropaning eng chong meblighini saldi» serlewhilik xewiride, dewa guruhining tekirdaghda dora zawuti quridighanliqini yazdi. gézit dora zawutigha 15 milyon lira meblegh sélinghanliqini qeyt qildi. xewerde dora zawutida nepes siqilish késili we rak késellirini dawalashta ishlitilidighan dorilaning ishlepchiqirilidighanliqi bildürdi. gézit dora zawutining yawropaning kéyinki 10yilda dora sahesi boyiche eng köp meblegh salghan shirket unwanigha érishkenlikini yazdi.
hürriyet géziti «chong bir nahiye weyran boldi » serlewhilik xewiride amérika qoshma ishtatlirining nebraska ölkisige qattiq zerbe bergen boran-chapqunning bir nahiyede urush meydanini eslitidighan menzire peyda qilghanliqini bildürdi. gézit ölüsh we yarilinish keltürüp chiqarghan apetning 1 mektep binasi bolup texminen 370 bina we öyning weyran bolushigha seweb bolghanliqini uqturdi.
milliyet géziti «40 yildin kéyin tunji püshtek» serlewhilik xewiride, dunya longqisi tarixida doghan babajan 1974-yili répiriliq qilghandin buyan tunji qétim bir türk tiérnérning musabiqide püshtek chalghanliqini bildürdi. gézit juneyt chakirning tünügün oynalghan biraziliye-méksika musabiqisige muwppeqiyetlik halda tiérnérliq qilghanliqini oqurmenliri bilen ortaqlashti.