2014.06.16

«‹yéngi shepeq› géziti», «bu ish mezhep urushighiche sozulidu» serlewhilik xewiride, iraqta türkmenler topliship olturaqlashqan telafer rayonining iraq sham islam döliti teshkilati teripidin muhasirige élinishigha «sel qarashqa bolmaydighan bir mesile» dep baha bergen bash ministir rejep tayyip erdoghanning mezhep otining qutratquluqlar netijiside iraqning hemme yérige yamrighanliqini tekitlep ötkenlikini eskertti. gézit, erdoghanning «bu, iraq sham islam döliti mensuplirining bir ishi bolushtin halqip ketti. bu ish bir mezhep toqunushigha, belki bir mezhep urushigha bérip qalidu» dégenlikini qeyt qildi.
«‹yéngi shepeq› géziti», «ottura afriqa ümid élip barduq» serlewhilik yene bir parche xewiride, bash ministirliq mehkimisi apet we jiddiy ehwallarni biterep qilish bashqarmisi bilen insanperwer yardem munbirining ottura afriqa jumhuriyitide yüz bergen weqelerdin kéyin chad we kamérongha panahlanghan musapirlargha yollighan yardem eshyalirining tégishlik kishilerge yetküzüp bérilgenlikini qeyt qildi. gézit, yardem eshyalirini tarqitish toghrisida türkiyening chadta turushluq bash elchixanisi bilen chad sehiye we ijtimaiy paaliyetler ministirliqi arisida kélishim imzalanghanliqini yazdi. gézit yene, bash ministirliq mehkimisi apet we jiddiy ehwallarni biterep qilish bashqarmisi teripidin élan qilinghan bayanatqa köre, ewetilgen yardem eshyalirining arisida turmushqa lazimetlik nerse – kérekler, yögek, süt parashoki, dora we chédirlarning barliqigha isharet qilip ötülgenlikini qeyt qildi.
«‹axsham› géziti», «inqilab qozghidingiz, dunyagha yetküzüng» serlewhilik xewiride, bash ministir rejep tayyip erdoghanning trabzonda amérikiliq médiya xojayini maykil blumbérg bilen körüshkenlikini eskertti. gézit, türkiyening yéqinqi 12 yilda ammining salametliki, yol bixeterliki dégendek köpligen sahelerde inqilab xaraktérlik özgirishlerni ishqa ashurghanliqini éytqan blumbérgning «tejribiliringizni dunya bilen ortaqlishishingiz kérek» dégenlikini oqurmenliri bilen ortaqlashti.
«‹star› géziti» iqtisadi uchur sehipiside élan qilghan «aptomobilning achquchini ayallar aldi» serlewhilik xewiride, ayallarning hem türkiye hem dunyada aptomobil sahesining körünerlik nishan qatlimigha aylanghanliqini tekitlep ötti. gézit, aptomobil markilirining élanlardin tartip sétish we tonutush istratégiyelirigiche bolghan basquchlarda ‹ayal xéridar› larni aldinqi pilangha qoyidighan haletning shekillengenlikini eskertti. xewerde, türkiyede aptomobili barlarning %30 ini ayallarning teshkil qilidighanliqigha isharet qilip ötüldi.
«‹sabah› géziti», «qurulush sahesi deslepki charekte chong layihelerning sayisida %5.2 zoraydi» serlewhilik xewiride, türkiyede qurulush sahesining bu yilning deslepki charikide %5.2 zorayghanliqini qeyt qildi. gézit, gézit, éshishta 3- köwrük we 3- ayrodurumgha oxshash chong layihelerning paal rol oynighanliqini tekitlep ötti. xewerde, türkiye qurulush höddigerliri uyushmisining bashliqi mithat yenigünning qurulush sahesining zoriyish süritining 1999- yilidin boyan kishi béshigha toghra kélidighan kirimning éishishigha parallél halda dawamliship kelgenlikini éytqanliqi qeyt qilindi.