türkiye metbuatlirida bügün 15.06.2014

hürriyet géziti «iraq qisimliri xewer bermeyla chékingen» serlewhilik xewiride, dölitimiz muawin tashqi ishlar ministiri naji koruning iraq sham islam döliti teshkilatining 10-iyunda türkiyening musulda turushluq konsolxanisini ishghal qilip, konsoxana xadimlirini görüge éliwélishidin kéyin ehwaldin waqiplandurush yighini ötküzgenlikini qeyt qildi. xewerde qeyt qilinishiche, 10-iyunda iraq sham islam döliti musulni qolgha kirgüzüwaldi, enqere bolsa weziyetni yéqin közitip keldi, enqere konsolxana xadimlirigha höjjetlerni yoq qilip, derhal türkiyege qaytip kélishke yolyuruq berdi. biraq weziyet enqerening texmin qilinighinidek bolmidi, iraq hakimiyiti konsolxanigha xewer bermayla qoshunlirini musulmandin chékindürgen. saqchilar we iraq eskerliri musulni tashlap ketkechke türk konsolxanisi muhapizetchisiz qaldi. konsul öztürk yilmaz mundaq dégen: «biz yardemge érishmey turup, konsolxanidin chiqip kételmeymiz. bina sirttin téximu bixeter.»
yéngi shepeq géziti «pul-muamile ishlirini bankilarning idare qilishi xata» serlewhilik xewiride, pul-muamile sahesining 90%ni bankilarning bashqurup kéliwatqanliqini éytqan dölitimiz maliye-ishliri ministiri mehmet shimshekning bu ishning intayin xata ikenlikini éytqanliqini bildürdi. xewerde pul-muamile kirzisidin kéyin bankichiliq we teptish xizmetlirining ehmiyitini tekitligen mehmet shimeshekning mundaq dégenliki neqil keltürüldi: «bularni wujudqa chiqirish üchün küchlük we mötidil bolushiqa toghra kélidu.». xewerde yene mehmet shimshekning türk shirketlirining sélinma bazarlirigha kirishlirining asan bolushi kéreklikini éytqanliqi qeyt qilindi.
aksham géziti «jesur dublor béllo istanbulni tewritidu» serlewhilik xewiride, «asiya we yawropani tutashturidighan mislisiz güzel istanbulda konsért bermey ölüp ketsem arman ichide qalimen» dégen dublor béllo, istanbul boghuzini yéqindin körüsh üchün meshhur rizhossor néyil mandit bilen istanbulgha kélidighanliqini oqurmenliri bilen ortaqlashti. gézit dublor béllo ötküzüshni pilanlighan hayajanliq konsért bilen pütkül dunyaning neziri istanbulda bolidighanliqini qeyt qildi.
radikal géziti «tashliwétilgen batariyeni yighqan mekteplerge mukapat» serlewhilik xewiride, burdur sheherlik hökümiti bashchiliqida uyushturulghan mekteplerara tashliwétilgen batariyeni yighish seperwerlik paaliyitide eng köp batariye yighqqan mekteplerge mukapat tarqitip bérilgenlikini yazdi. xewerde mektep mesullirigha mukapatlarni burdur sheherlik hökümet bashliqi eli orkun erjengizning tarqitip bergenliki bildürüldi. gézit sheherlik hökümet bashliqi erjengizning bir batariyening 600ming kup métir suni bulghaydighanliqi, 4 kup métir topini 15 yilghiche ishletkili bolmaydighan halgha keltürüp qoyidighanliqini éytqanliqi bildürüldi.