türkiye metbuatlirida bügün 14.06.2014

türkiye awazi radiyosi xewiri: «‹ axsham› géziti», türkiye hawa yolliri shirkitining, iraq sham islam dölitining musulning kontirolluqini qolgha kirgüzüwélishi we we iraqtiki muqimsizliq toghruluq bayanat élan qilghanliqini yazdi. gézit, türkiye hawa yolliri shirkitining, iraqning baghdad, besre, nejef, sulaymaniye we erbil ayrodurumidin ishqa ashuruluwatqan hawa qatnishining adettikidek dawamlishidighanliqini uqturghanliqini oqurmenliri bilen ortaqlashti. gézit, türkiye hawa yolliri shirkiti teripidin bu heqte élan qilinghan bayanatta, «mewjut uchushlarning dairisi téximu kéngeytilip, téximu köp yoluchilarning seper qilishigha qolayliq yaritip bérilidu, zörür tépilghanda qoshumche uchushlar arqiliq téximu köp qolayliq yaritip bérilidu» déyilgenlikini qeyt qildi.
«‹yéngi shepeq› géziti», «görüge éliwélinghanlarni türkiyege élip kélidighan aptomobillar teyyar halette turmaqta» serlewhilik xewiride, iraq sham islam dölitining musuldiki türkiye bashkonsulxanisigha bésip kirip, görüge éliwalghan we bashkonsul öztürk yilmaz bilen diplumatlarnimu öz ichige alghan 49 kishini türkiyege élip kélidighan aptomobillarning erbilde teyyar halette turuwatqanliqini yazdi. gézit, iraq nomur taxtiliq aptomobillarning 8 aptobus we 9 jip mashinidin teshkil tapidighanliqini oqurmenliri bilen ortaqlashti. gézitning xewiride, diplomatiye ministiri ehmet dawutoghluning, görüge éliwélinghanlarning salametlik ehwalining yaxshi ikenliki we qoyup bérilishini qolgha keltürüsh üchün kéchini kündüzge ulap xizmet ishlewatqanliqlirini éytqanliqi bildürüldi.
«‹sabah› géziti», «3 - ayrodurum gérmanlarni chöchütti» serlewhilik xewiride, gérmaniyediki firanikfurt ayrodurumini ishlitidighan firaport shirkiti ijraiye heyitining bashliqi sitéfan sikulténing, istanbulda qurulidighan 150 milyon yoluchi sighidighan ayrodurumning, firanikfurt ayrodurumining tereqqiy qilishining astilishigha seweb bolidighanliqini éytqanliqini yazdi. gézit, sikulténing, «bizge nisbeten tereqqiy qilish téximu töwen sewiyede bolidu, bumu hel qilinishqa tégishlik bir sinaq bolidu» dégenlikini tekitlidi.
«‹ weten› géziti», «fenerbahche komandisi bir qedem aldida» serlewhilik xewiride, fenerbahche ülker siport tenterbiye zalida ötküzülgen béko waskitbol ligi Play-Off hel qilghuch musabiqiside, fenerbahche ülker komandisining galatasaray Liv Hospital komandisini 76:63 yéngip, 2-3 nomur bilen, galatasaray komandisining aldigha ötüp ketkenlikini oqurmenliri bilen ortaqlashti.