türkiye metbuatlirida bügün

türkiye awazi radiyosi xewiri: «‹ hürriyet› géziti», «shimaliy atlantik ehdi teshkilati jiddiy heriketke ötti» serlewhilik xewiride, iraq sham islam dölitining türkiyening musul bashkonsulxanisigha bésip kirip, bashkonsul öztürk yilmazni öz ichige alghan 49 kishini görüge éliwalghandin kéyin, enqerening shimaliy atlantik ehdi teshkilatini pewquladde yighin échishqa chaqirghanliqini, teshkilatning daimiy wekillirining türkiyening chaqiriqigha asasen jiddiy yighin échip, türkiyege yardem bérish qarari alghanliqini yazdi.
«‹yéngi shepeq› géziti», «dunya bankisining türkiye texmini» serlewhilik xewiride, dunya bankisi teripidin élan qilinghan «yer shari xaraktérlik iqtisadiy weziyet» namliq doklatta, türkiyening iqtisadiy jehettin bu yil % 2.4, kéler yili % 3.5, 2016 - yili % 3.9 tereqqiy qilidighanliqining eskertilgenlikini yazdi. gézit, doklatta, türkiyede mal bahasi we qizil reqemning yuqiri ikenlikigimu orun bérilgenlikini oqurmenliri bilen ortaqlashti.
türkiyening insanperwerlik yardemliri ottura afriqigha yetküzüp bérildi.
jiddiy ehwallargha taqabil turush orgini bilen insanperwerlik yardem munbiri orgini teripidin ottura afriqa jumhuriyitidiki musapirlar üchün yighilghan 2 milyon türk lirasi qimmitidiki insanperwerlik yardem eshyalirining 45 tonniliq qismini toshughan ayropilan chad ayrodurumigha qondi.
«‹ radikal› géziti», «oskarliq rézhissorlardin chanaqqele urushi filimi» serlewhilik xewiride, «üzükler xojayini» we «hobit» qatarliq filimlerning rézhissori pitér jaksonning, yéngi filimide, chanaqqele urushini tonushturidighanliqini yazdi. gézit, yéngi zélandiyelik rézhissorning, bu layihesi toghruluq toxtalghanda qilghan, «anzak eskerlirining hemmisining qarishini filimde eks ettürimen. gelibolu urushi, tariximizning ésimizde qalghan muhim bir qismi» dégen sözlirini neqil keltürdi. gézitning xewirige qarighanda, jakson, filimning kéler yili tamashibinlar bilen yüz körüshidighanliqinimu sözlirige ilawe qilghan.
«‹sitar› géziti», «galatasarayda mansini dewri axirlashti» serlewhilik xewiride, galatasaray kulubining, robérto mansinining istépa bergenlikini yazdi. gézit, buninggha asasen, tirénér mansinining toxtamnamisining bikar qilinghanliqini, uning qaysi kulubta wezipe ötüshining hemmining diqqitini qozghawatqan bir mesilige aylanghanliqi qeyt qildi.
«qaradéngizning zéugmasida paaliyetler dawamlashmaqta.
qarabük wilayitining eskipazar nahiyeside tépilghan we miladiyidin burunqi 1 - esirde qurulghan dep qariliwatqan hadrianaupolis qedimiy shehirining sayahetke échilishi üchün xizmet ishlenmekte. mutexessisler, bu yerdiki mozaykilarning anadoluda héchqandaq nemunisining yoqluqini tekitleshmekte.»