11.06.2014

hürriyet géziti türkiye istastika idarisining türkiye iqtisadining 2014-yilning deslepki cherikide 4.3% zorayghanliqini oqurmenliri bilen ortaqlashti. iqtisadning 4% zoriyishining texmin qilinghanliqini qeyt qilghan gézit, bu yilning deslepki cherikide éksport we dölet chiqimlirining téz sürette köpeygenlikini we éksportning deslepki charikide 11.4% éshishiningmu iqtisadning zoriyishigha seweb bolghanliqini yazdi.
yéngi shepeq géziti rus terepdarliri bilen hökümet qisimliri toqunushiwatqan ukrainaning donétsik shehride yashawatqan türklerning bala-chaqilirini türkiyege ewetiwetkenliklirini, donétsikte ishlewatqan 10 neper türkning ishliri sewebidin bu jayni tashlap kételmeydighanliqlirini, biraq bala-chaqilirining bixeter jaygha yötküwétishlirining zörür bolup qalghanliqini qeyt qildi.
aksham géziti 8milyon yilliq gharda insan sholisining tépilghanliqini yazdi. gézit tirabzon wilayitide ishletkili bolidighan yer jehettin dunya boyiche ikkinchi orunda turidighan ghar bolushtek alahidilikke ige chal gharida bir qiyaning ichidin insan sholisining tépilghanliqini, 8 milyon yilda shekillengenliki texmin qilinghan gharning ichidiki bu insan yüzining burun, éghiz, zangaq we köz qisimlirining éniq körinidighanliqini yazdi. xewerde bu insan sholisining qedimi dewirlerde bashqa medeniyetler teripidin qiyagha chüshürüp chüshürülmigenliki, yaki özlikidin shekillinip shekillenmigenliki üstide tetqiqat élip bérilidighanliqi qeyt qilindi.
sabah géziti türk qizilay jemiyiti bilen sehiye ministirlikining hemkarlishishi astida élip bériliwatqan türkök layihesi dairiside qizilay jemiyitining qan inae qilghuchilarning xalisane qan teqdim qilishi bilen toplighan 4 milyon 500mingliq qan miqdarining, kök hüjeyre saqlawatqanlargha ümid élip kelgenlikini oqurmenliri bilen ortaqlashti. sabah gézitining yene bir xewiri tenterbiyege munasiwetlik bolup, 2014-yilliq xelqara putbol birleshmisi dunya longqisining eng qimmetlik komandisining ispaniye putbol komandisi bolghanliqini xewer qildi.
putbolchilar heqqide tekshürüsh élip barghan gérmaniyediki «tiransgérmarkt» namliq tor bétide orun alghan melumatlargha qarighanda, dunya longqisining cholpan komandiliri qatarigha kirgüzülgen we tiirnérlikini wikénté dél boskiiyu üstige alghan ispaniye döletlik putbol komandisi 622 milyon yawro qimmitige, gérmaniye döletlik putbol komandisining 562 milyon yawro qimmitige, biraziliye döletlik putbol komandisining bolsa 467 milyon yawro qimmitige ige iken.
radikal géziti türk kütüpxanichilar jemiyiti we türkiye neshiriyatchilar uyushmisi somagha bérip balilargha kitab sowgha qilghanliqlirini yazdi. gézit, soma merkizi bilen yéziliridiki mekteplerni ziyaret qilip balilar bilen uchrishidighan heyetni nurghun neshiriyat orunliridin sirt edebiyatchilarningmu qollap quwetleydighanliqlirini uqturdi. xewerde manisaning soma nahiyesidiki bir kömür kénida 13-mayda ot apiti meydangha kélip 301 ishchining hayatidin ayrilghanliqi qeyt qilindi.