09.06.2014

«‹sabah› géziti» ning iqtisadi uchur sehipiside élan qilinghan «éksportning eng yaxshi xéridari gérmaniye» serlewhilik xewiride, türkiye eng köp mal éksport qilghan döletning gérmaniye bolghanliqini qeyt qildi. xewerde, uludagh aptomobil sanaiti éksportchilar uyushmisining sanliq melumatlirigha asaslanghanda, may éyida gérmaniyege qilinghan éksportning %46 éship 358 milyon dollargha yetkenliki eskertildi. gézit, deslepki 5 aydiki éskportning bolsa, %30 éship 1 milyard 600 milyon dollargha yetkenlikige isharet qilip ötti.
«‹yéngi shepeq› géziti», «türkiye utup chiqidu» serlewhilik xewiride, türkiye jumhuriyiti tarixining eng muhim layihesi bolghan yilliq 150 milyon yoluchi toshush iqtidarigha ige ayrodurumning ulini sélish murasimining dunya metbuatida keng orun alghanliqigha isharet qilip ötti. gézit, ghayet zor layihe toghrisida BBC ning «hökümet, türkiyeni yawropaning qatnash merkizige aylandurushni nishan qildi» dep yazghanliqini oqurmenliri bilen ortaqlashti. malaysiya, umman we ereb birleshme xelipiliki médiyasining bolsa, awiyatsiye saheside xelqara miqyasida toshumichiliq liniyelirining özgiridighanliqini tekitlep ötkenlikini eskertken gézit, firansiye xewer agéntliqining «türkiye utup chiqidu» dégenlikini qeyt qildi.
«‹star› géziti», « Premiere Visionöktebirde istanbulda» serlewhilik xewiride, 30 yilgha yéqin waqittin boyan parizhda ötküzülüp kéliwatqan we türkiye toqumichiliq we teyyar kiyim markilirining yéngi modéliri tonushturulidighan yermenkilerning aldinqi qataridin orun alidighan Premiere Vision yermenkisining buningdin kéyin her yili ikki qétim istanbulda échilidighanliqini yazdi. gézit, Premiere Vision istanbulning tunji qétim 29, 30, 31- öktebir künliri CNR yermenke merkizide échilidighanliqini eskertti.
«‹milliyet› géziti», «14 dölet doxturliri istanbulda uchrashti» serlewhilik xewiride, istanbulda dunyaning 14 dölitidin 300 etrapida wekil qatnashqan 5- nöwetlik xelqara nöralterapi yighinining muweppeqiyetlik ötküzülgenlikini yazdi. gézit, piroféssor doktor huseyin nazliqul riyasetchilikide chaqirilghan Nöroimmünoloji témiliq yighin dairiside 140 parche doklat oqulghanliqini we 15 xizmet guruppisining orun alghanliqini eskertti.
«‹axsham› géziti», «paaliyette türkche aldinqi pilandin orun aldi» serlewhilik xewiride, gérmaniyening bawyéra ölkisidiki tarixiy friyzing shehiride ötküzülgen eneniwi türkiye – bayéwra yazliq paaliyetliride türkchining aldinqi pilandin orun alghanliqini qeyt qildi. gézit, fréyzing sheherlik hökümetning bashliqi tobias éshénbashérning échilish sözining birinchi bölümini türkche qilghanliqini eskertti.
«‹xabertürk› géziti», «eng chong yelkenlik kéme istanbulgha kélidu» serlewhilik xewiride, dunyaning eng chong yelkenlik meshiq kémisi STS SEDOV ning 12 – iyunda istanbulgha kélip, istanbulluq yelkenlik kémeb heweskarliri bilen uchrishidighanliqini qeyt qildi. gézit, 4 tüwrüklük 93 yilliq kémining ziyaretchiler bilen uchrishish üchün istanbul boghuzida toxtaydighanliqini yazdi. xewerde, 1921- yilida yasalghan kémining uzunluqining 117 métir kélidighanliqi eskertildi.
«‹weten› géziti» de élan qilinghan «roza bedenni yéngilaydu» serlewhilik xewerde, amérikiliq mutexessislerning 3 kün roza tutquchilarning immonét sistémisining yéngilinidighanliqini éytqanliqini eskertti. xewerde, bolupmu qérish yaki rak yüzisidin buzulushqa bashlighan immonét sistémisi üstide élip bérilghan tekshürüshte roza tutushning nahayiti paydiliq bolghanliqining otturigha chiqqanliqigha isharet qilip ötüldi. gézit, rozining sayisida wujudta yéngi aq qan hüjeyrisining köpeygenlikini we wujudtiki yagh nisbitining azayghanliqini qeyt qildi.