илһам әлийев бинали йилдиримни қобул қилди
әзәрбәйҗан пирезиденти илһам әлийев түрк дөләтлири тәшкилати ақсақаллар кеңишиниң рәиси бинали йилдирим билән көрүшти.
түркийә авази радийоси хәвири: әзәрбәйҗан пирезидентлиқ мәһкимиси байанат елан қилип, низами гәнҗәви хәлқара мәркизи тәшкиллигән «11-нөвәтлик баку мунбири» гә қатнишиш үчүн бакуға барған бинали йилдиримниң илһам әлийев тәрипидин қобул қилинғанлиқини уқтурди.
байанатта көрситилишичә, йилдирим күтүвелиш йиғинида, низами гәнҗәви хәлқара мәркизиниң тәсириниң дунйа миқйасида күчийип, хәлқаралиқ муһим мәсилиләр музакирә қилинидиған сәһнигә айланғанлиқини билдүргән.
өзиниң мунбәрниң мувәппәқийәтлик болидиғанлиқиға ишинидиғанлиқини тәкитлигән йилдирим, әлийевниң түрк дөләтлири тәшкилати ақсақаллар кеңишини қоллиғанлиқиға рәһмәт ейтқан.
пирезидент илһам әлийев өзиниң пирездентлиққа қайта сайланғандин кейин әнәнә бойичә тунҗи болуп түркийәдә дөләт ишлири зийаритидә болғанлиқини тилға елип, җумһур рәис рәҗәп таййип әрдоған билән өткүзгән сөһбәтлири тоғрисида тохталған.
күтүвелиш җәрйанида, түркийә-әзәрбәйҗан мунасивәтлири һәққидә пикир алмаштурулған.
مۇناسىۋەتلىك خەۋەرلەر
шивейтсарийәдә түрк һәптилики паалийити өткүзүлмәктә
шивейтсарийәниң җәнвә шәһиридә түрк һәптилики паалийити өткүзүлмәктә.
